Video | रस्त्याच्या कडेला टोळकं दबा धरुन बसलं, गाडीतून उतरताच लाठ्याकाठ्यांनी महिलेला बदडलं, पोलिसात तक्रार

Shalimar-Bagh Attack on woman

नवी दिल्ली : राजधानी दिल्लीतील (Delhi Crime) शालीमार बाग (Shalimar Bagh) परिसरात एका महिलेला मारहाण (Beat Woman) झाल्याचे सीसीटीव्ही फुटेज समोर आले आहे. दिल्ली पोलिसांनी दिलेल्या माहितीनुसार, 3 ते 4 बदमाशांनी महिलेला लाठ्या-काठ्यांनी बेदम मारहाण केलीये. तिथे लावलेल्या सीसीटीव्हीमध्ये मारहाणीचा हा थरार कैद झालाय.

पोलीस अधिकाऱ्याने दिलेल्या माहितीनुसार, 19 नोव्हेंबरला दिल्लीतील शालीमार बाग परिसरातील एका महिलेला काही लोकांच्या टोळक्याने काठीने मारहाण केली. त्यानंतर महिलेला उपचारासाठी रुग्णालयात दाखल करण्यात आले होते. सध्या पीडित महिलेच्या तक्रारीच्या आधारे दिल्ली पोलिसांनी अज्ञातांविरुद्ध गुन्हा दाखल केला आहे.

पाहा मारहाणीचा व्हिडीओ – 

स्थानिक आमदारावर मारहाणीचा आरोप

पीडित महिलेने स्थानिक आमदारावर मारहाणीचा आरोप केला आहे. दिल्ली पोलिसांनी दिलेल्या माहितीनुसार, या प्रकरणी पोलिसांनी पीडित महिलेच्या तक्रारीवरुन गुन्हा दाखल केला असून 2 जणांना अटकही केली आहे.

महिलेला इतका जबर मार लागला होता की ती रुग्णालयातून व्हील चेअरवर बाहेर पडली. रुग्णालयातून बाहेर येताच महिलेने पहिल्यांदा हे सीसीटीव्ही फुटेज शोधून काढले, जेणेकरुन तिच्याकडे काही पुरावा असेल. पीडित महिलेने आम आदमी पार्टीच्या (आप) शालीमार बाग येथील आमदार वंदना कुमारी यांच्यावर मारहाण केल्याचा आरोप केला आहे.

तक्रारीच्या आधारे दोघांना अटक

याप्रकरणी पोलिसांनी दाखल केलेल्या गुन्ह्यात आमदाराचाही उल्लेख आहे. मात्र अद्यापपर्यंत त्या आमदारावर अटक किंवा चौकशी न झाल्याने महिला संतप्त आहे. या प्रकरणी पोलिसांनी काही आरोपींना अटक केली आहे, तर काही आरोपींचा शोध सुरु आहे.

संबंधित बातम्या :

मुंबईत भांडी विकणाऱ्या महिलेची दहशत, फिल्मी स्टाईलने गुंगीचे औषध लावून तीन महिन्याच्या बाळाची चोरी

केडीएमसीच्या माजी स्थायी समिती सभापतीला तीन दिवसाची पोलीस कोठडी