बाळाला दूध पाजत असतानाच भरधाव कारने चिरडलं, मुंबईत कुठे घडलं पुन्हा हिट एन्ड रन?
रस्त्यावरील एका महिलेला चिरडून कारचालक पळून गेल्याचा धक्कादायक प्रकार घडला आहे. बोरिवलीतील आर एम भट्ट रोडवर काळीज पिळवटून टाकणारी घटना घडली आहे .
मुंबई : मुंबईत पुन्हा एकदाह हिट एन्ड रनचा (Hit And run) धक्कादायक प्रकार समोल आला आहे. अपघात एवढा भयानक होता की कुणाच्या डोळ्यात टचकन पाणी आणले. मुंबईतील बोरिवली भागात हा भयानक अपघात (Accident) घडला आहे. रस्त्यावरील एका महिलेला चिरडून कारचालक पळून गेल्याचा धक्कादायक प्रकार घडला आहे. बोरिवलीतील आर एम भट्ट रोडवर काळीज पिळवटून टाकणारी घटना घडली आहे . रस्त्याच्या कडेला दिवसभर फुगे विकून रात्री बाळाला दूध पाजताना एका मातेवर काळाने घाला घातला आहे . एका भरधाव कारने नेमकं याचवेळी या मातेला चिरडलं (Borivli Hit And run) आहे. या भयानक प्रकारमुळे सर्वत्र हळहळ व्यक्त करण्यात येत आहे. मुंबईत आधीही असे भयानक प्रकार समोर आले आहेत. अनेकदा मुंबई अशा घटनांनी हादरून गेली आहे.
अपघातात बाळही गंभीर जखमी
या भरधाव कारने फक्त महिलेला चिरडले नाही तर या अपघातात तिचे बाळही गंभीर जखमी झाले आहे. त्यानंतर या बाळाला तातडीने रुग्णालयात उपचारासाठी दाखल करण्यात आले. सध्या त्याच्यावर रुग्णालयात उपचार सुरू आहेत. मात्र या अपघातात बाळालाही मोठी इजा पोहोचली आहे. हा कारचालक दोघांना चिरडून फरार झाल्याची माहिती पोलिसांकडून देण्यात आली आहे. त्यामुळे त्याचा शोधही पोलिसांनी सुरू केला आहे. मात्र अद्यापतरी तो पोलिसांच्या हाती लागलेला नाहीये. अपघात झाल्यानंतर या कारचालकाने साधं या महिलेला आणि तिच्या बाळाला दवाखान्यात नेणंही गरजेचं समजलं नाही, हा सर्वात मोठा कृरतेचा कळस आहे.
अपघातात चिमुकला गंभीर जखमी
बोरिवलीत कृरतचा कळस
बोरिवली पोलीस या प्रकरणात अधिक तपास करून, लवकरच या कारचालकाचा शोध घेण्यात येणार असल्याचे पोलिसांकडून सांगण्यात आलंय. मात्र अशा हिट एन्ड रनच्या केसेस आधीही घडल्याने या घटनेने पुन्हा जखमांची आठवण करून दिली आहे. अशा अपघातांना आवर घालण्यासाठी ठोस उपाययोजनांची गरज पुन्हा एकदा भासू लागली आहे. या कारचालकाला पकडून त्याच्यावर कठोर कारवाई करावी अशी मागणी परिसरातील लोकांनी केली आहे.
