अमरावती : भरधाव कारला धडकून नीलगायीचा (Nilgai) मृत्यू झाला. या अपघातात गाडीचा पुढील भाग (Car Accident) चक्काचूर झाल्याचं पाहायला मिळत आहे. अमरावती (Amravati) जिल्ह्यात ही घटना घडली. गाडी आणि नीलगाय (रोही) यांची धडक इतकी जबरदस्त होती, की कारच्या पुढील काचांचा चुराडा झाला. वाहन चालक आणि त्याच्या बाजूच्या एअरबॅग्ज उघडल्यामुळे प्रवाशांचे प्राण बचावले. या अपघातात सुदैवाने कुठल्याही प्रवाशाला गंभीर इजा झाली नाही. मात्र गाडीला धडकलेल्या रोहीला आपला जीव गमवावा लागला.
नुकतंच उत्तर प्रदेशातील हापूड येथे धावत्या गाडीला आदळलेली नीलगाय पुढील भागाची काच तोडून आत शिरली होती. या भीषण अपघातातही नीलगायीचा तडफडून मृत्यू झाला होता.
अमरावतीतही भरधाव जाणाऱ्या एका कारसमोर अचानक आडव्या आलेल्या नीलगायीचाही धडक लागून मृत्यू झाला. ही घटना अमरावती चांदूर बाजार मार्गावर शिराळा नजीक घडली. ही धडक एवढी भीषण होती की कारचे दोन्ही एअरबॅग बाहेर आले. सुदैवाने कारमधील कोणालाही गंभीर इजा झाली नाही.
अमरावती चांदुर बाजार महामार्गावरुन अमरावतीच्या दिशेने ही कार जात होती. परंतु याच दरम्यान रस्ता ओलांडताना एक मोठा नीलगाय (रोही) या कारला आडवी गेली. दरम्यान नीलगायीला वाचवण्यासाठी कार चालकाने अथक प्रयत्न केले. परंतु कारची गती अधिक असल्याने या कारची तिला धडक लागली.
धडकेनंतर दहा ते पंधरा फूट दूर फेकली गेलेली नीलगाय मृत्युमुखी पडली. कारचे दोन्ही एअरबॅग बाहेर आल्यामुळे कारमधील कुठल्याही प्रवाशाला गंभीर दुखापत झालेली नाही.
संबंधित बातम्या :
Amravati Accident | अमरावतीमध्ये खासगी बस नाल्यात पलटली! बसमध्ये 40 पेक्षा जास्त प्रवासी
नागपूर-अमरावती महामार्गावर कार ट्रेलरवर आदळली, पती-पत्नीसह पाच महिन्यांच्या मुलाचा मृत्यू