ब्लाऊजने गळा आवळून सासूची हत्या, पोत्यात भरुन मृतदेह झुडपात फेकला, पिंपरीत मुलगा-सूनेला अटक

सासूचा मृतदेह झुडपात टाकताना सून सीसीटीव्हीत कैद

पिंपरी चिंचवड : घरगुती वादातून सुनेने सासूची हत्या केल्याचा धक्कादायक प्रकार पिंपरी चिंचवडमध्ये उघडकीस आला आहे. हत्येनंतर सासूचा मृतदेह पोत्यात भरुन सूनेने झुडपात फेकला होता. या प्रकरणाचे सीसीटीव्ही फूटेज समोर आल्यानंतर पोलिसांनी मुलगा-सूनेला अटक केली आहे. हत्येच्या घटनेमुळे पिंपरी चिंचवड परिसरात एकच खळबळ उडाली आहे. बेबी गौतम शिंदे असे हत्या झालेल्या सासूचे नाव आहे. (Pune Crime News Pimpri Chinchwad Murder Daughter in Law killed Mother in Law with Blouse)

ब्लाऊजच्या सहाय्याने गळा आवळून खून

आरोपी पूजा मिलिंद शिंदे हिचे सासू बेबी गौतम शिंदे सोबत किरकोळ घरगुती कारणांवरुन वाद सुरु होते. त्याचाच राग मनात धरुन पूजा हिने तीन दिवसांपूर्वी ब्लाऊजच्या सहाय्याने गळा आवळून सासूचा खून केला होता. हत्येनंतर सासूचा मृतदेह तिने पोत्यात लपवला.

सूनेकडून हत्या, मुलाने पुरावे नष्ट केले

पुरावा नष्ट करण्याच्या उद्देशाने मृतदेह भरलेलं पोतं तिने आधी टेरेसवर ठेवलं होतं. त्यानंतर सोसायटीतील राजेंद्र भांगरे यांच्या बंगल्याशेजारील प्लॉटमधील झुडपात नेऊन तिने पोतं टाकून दिलं. मृतदेह टाकून आल्यानंतर टेरेस आणि सोसायटीच्या पायऱ्यांवर पडलेलं रक्त आरोपी मुलगा मिलिंद शिंदे याने धुवून-पुसून पुरावा नष्ट केला. (Murder Mother in Law Blouse)

शेजाऱ्यांच्या जागरुकतेमुळे हत्येला वाचा

मृतदेह टाकत असताना स्थानिक तरुणांनी पूजाला पाहिलं. शंका आल्यामुळे त्यांनी पोलिसांशी संपर्क केला असता ही घटना उघडकीस आली. सासू बेबी शिंदे यांचा मृतदेह झुडपात टाकत असताना जवळ असलेल्या सीसीटीव्हीमध्ये ही घटना कैद झाली. पूजा मिलिंद शिंदे आणि मिलिंद गौतम शिंदे असे या प्रकरणातील आरोपी सून आणि मुलाचे नाव आहे. दोघांनाही पुण्यातील तळेगांव दाभाडे पोलिसांनी अटक केली आहे.

संबंधित बातम्या :

एकमेकांवर प्रेम जडलं, आयुष्यभर सोबतीचा निश्चय, कुटुंबियांनी लग्नाला विरोध करताच प्रेमी युगुलाचं टोकाचं पाऊल

VIDEO | औरंगाबादेत शेतकरी कुटुंबाला बेदम मारहाण, पुरुषांसह महिलांनाही चोप

(Pune Crime News Pimpri Chinchwad Murder Daughter in Law killed Mother in Law with Blouse)