Pimpri -Chinchwad crime | पाच जणांच्या टोळक्याने ब्लेडने वार करत युवकाला लुटले
फिर्यादी पिंपरी येथील आंबेडकर चौकातून नेहरूनगरकडे जाणाऱ्या रस्त्याने जात होते. त्यावेळी एका रिक्षात बसलेल्या पाच जणांच्या टोळक्याने त्यांना अडवले . त्यानंतर शिवीगाळ करत फिर्यादीला लाथाबुक्क्यांनी व बांबूने मारहाण करण्यास सुरुवात केली.
पिंपरी – शहरात मागील काही महिन्यापासून कायदा व सुव्यवस्थेच्या तीन तेरा वाजल्या आहेत. शहरातील आंबेडकर चौक, पिंपरी येथे पाच जणांच्या टोळक्याने गॅरेजवाल्यावर हल्ला एक लाख 40 हजार 300 रुपयांचा माल लुटून नेला आहे. याप्रकरणी पाच जणांच्या विरोधात पिंपरी पोलिसात गुन्हा दाखल करण्यात आला आहे.
अशी घडली घटना
फिर्यादी फय्याज राशद शहा (वय 29, रा. दत्तनगर, चिंचवड) याचे आंबेडकर चौक, पिंपरी येथे गॅरेज आहे. घटनेच्या दिवशी पहाटे तीनच्या सुमारास पिंपरी येथील आंबेडकर चौकातून नेहरूनगरकडे जाणाऱ्या रस्त्याने जात होते. त्यावेळी एका रिक्षात बसलेल्या पाच जणांच्या टोळक्याने त्यांना अडवले . त्यानंतर शिवीगाळ करत फिर्यादीला लाथाबुक्क्यांनी व बांबूने मारहाण करण्यास सुरुवात केली. आरोपी एवढ्यावरच न थांबता एका आरोपीने फिर्यादीच्या हातावर ब्लेड ने वॉर केले. त्यानंतर फिर्यादीकडे असलेली रोख रक्कम, पाकीट, मोबाईल, जॅकेट असा एकूण एक लाख 40 हजारांचा ऐवज आरोपींनी जबरदस्तीने काढून घेतला व तिथून रिक्षा घेऊन पळून गेले. याप्रकरणी पिंपरी पोलीस अधिक तपास करत आहेत.
गुन्हेगारांवर वचक हवा
पोलीस प्रशासनाचा गुन्हेगारांवर वचक न राहिल्याने शहरात गुंडांनी हौदस मांडला आहे. कधी नंग्या तलवारी काढत रात्र -अपरात्री स्थानिक सोसायट्यांमधून आरडा-ओरडा करता फिरतात. रस्त्यावरून जाणाऱ्या स्थानिक नागरिकां लुटण्याचे , शिविगाळ करण्याच्या प्रकारांमध्येही वाढ झालेली दिसून येत आहे. पोलीस प्रशासनानं याकडं लक्ष देत गुन्हेगारांचा बंदोबस्त करावा अशी मागणी नागरिकांनी केली आहे.
VIDEO | दोन कॉलेज युवतींची फ्री स्टाईल हाणामारी; एकमेकींच्या झिंज्या ओढल्या
राणेंना नोटीस देणाऱ्या पोलिसांवरच FIR दाखल करा, अन्यथा आम्ही खटला दाखल करु-फडणवीस
