Pune Video | पुण्यात गुंडांचा उच्छाद, फुकट भाजी न दिल्याने तरुणाला पाया पडायला लावलं

पुण्यात गुंडांचा हैदोस

Image Credit source: टीव्ही9

पुणे : पुण्यात गुंडांच्या (Pune Crime) दादागिरीचे व्हिडीओ अनेक वेळा समोर येताना दिसतात. धनकवडी परिसरात गुंडांनी भाजी विक्रेत्याला पाया पडायला (Goons) लावल्याचा प्रकार उघडकीस आला आहे. फुकट भाजी दिली नाही, म्हणून गुंडांनी भाजीवाल्याला लोटांगण घालायला लावल्याची माहिती आहे. हा व्हिडीओ सोशल मीडियावर पोस्ट करुन गुंडांनी दहशत पसरवण्याचा प्रयत्न केला. धनकवडी भागात बालाजी नगर येथील रजनी कॉर्नरजवळ घडलेल्या या घटनेने सर्वत्र संताप व्यक्त केला जात आहे.

काय आहे प्रकरण?

या घटनेचे चार व्हिडीओ समोर आले आहेत. भाजी विक्रेत्या तरुणाला त्याच्या आईसमोरच कपडे फाटेस्तोवर मारहाण करत पाया पडायला लावल्याचं एका व्हिडीओत दिसत आहे. बालाजी नगरमधील गुलमोहर अपार्टमेंटसमोर हा प्रकार घडला.

कोयते दाखवून दहशत माजवली

दुसऱ्या व्हिडीओमध्ये बाईकस्वार गुंडांनी अन्य दुचाकीवर बसलेल्या तरुणावर हल्ला केल्याचं दिसतं. हातात कोयते घेऊन ही टोळी दहशत माजवताना दिसत आहे. असे प्रकार परिसरात सर्रास घडत असल्याचा दावा स्थानिक नागरिकांनी केला आहे.

मारहाण झालेल्या तरुणाचा शोध घेऊन पोलीस तक्रार दाखल करणार आहेत. पोलिसांचा गुंडांवर वचक राहिला नाही का, असा सवाल उपस्थित होत आहे.

पाहा व्हिडीओ :

संबंधित बातम्या :

Ambernath | आईला मारहाण करणाऱ्या दारुड्या बापावर पोरांचा संताप, एकदाची अद्दल घडवली

Bar Dancer Attacked | मुंबईत बारबालेसह बहिणीवर ब्लेड हल्ला, एक्स बॉयफ्रेण्ड पसार

Kolhapur CCTV | रस्त्याने शांतपणे चाललेली महिला, कुत्रा मागून धावत आला आणि लचके तोडले