पुण्यात दोघांचा एकाच झाडाला गळफास, तरुणीचा जागीच मृत्यू, तरुण गंभीर

चाकण पोलीस स्टेशन

पुणे : झाडाला एकत्र गळफास घेऊन तरुण-तरुणीने आत्महत्येचा प्रयत्न केल्याची धक्कादायक घटना उघडकीस आली आहे. यामध्ये तरुणीने प्राण गमावले, तर तरुणाची प्रकृती चिंताजनक असून त्याच्यावर उपचार सुरु आहेत. पुणे जिल्ह्यातील शेल पिंपळगाव येथे हा प्रकार घडला.

काय आहे प्रकरण?

शेल पिंपळगाव गावात तरुण- तरुणीने एकत्र झाडाला गळफास घेऊन आत्महत्येचा प्रयत्न केला. शेताच्या बांधावरील झाडाच्या फांदीला दोघांनी नायलॉन दोरीच्या सहाय्याने गळफास लावला. आत्महत्येचा प्रयत्न केल्याची ही घटना पुणे जिल्ह्यातील खेड तालुक्यातील शेलपिंपळगाव येथे घडली आहे.

तरुणीचा जागीच मृत्यू, तरुण गंभीर

या घटनेत तरुणीला गळफास बसल्याने तिचा जागीच मृत्यू झाला. तर तरुण बेशुद्ध असून त्याची प्रकृती चिंताजनक आहे. पिंपरी चिंचवड येथील यशवंतराव चव्हाण रुग्णालयात त्याच्यावर उपचार सुरु आहेत, मात्र आत्महत्या करण्यासारखं टोकाचं पाऊल उचलण्याचा निर्णय त्यांनी का घेतला, याचं कारण अद्याप अस्पष्ट आहे.

आत्महत्येचं कारण अस्पष्ट

जुन्नर तालुक्यातून हे दोघं नेमके कशासाठी आले होते, याचा चाकण पोलीस शोध घेत आहेत. मात्र प्रेम प्रकरणातून आत्महत्या केली असल्याचा प्राथमिक अंदाज पोलिसांनी व्यक्त केला आहे.

संबंधित बातम्या :

पिंपरीत अकरावीतील विद्यार्थ्याची हत्या, बंद पडलेल्या कारखान्याजवळ मृतदेह आढळला

इगतपुरीतील लग्नातून नववधूचे सोन्याचे दागिने लंपास, मुंबईत तिघा चोरट्यांच्या मुसक्या आवळल्या

पतीच्या जाचाला कंटाळून विवाहिता माहेरी, चारित्र्याच्या संशयातून पतीकडून हत्या