Anupamaa: अनुपमा-अनुजचा किसिंग सीन लीक; रोमान्स पाहून चाहत्यांना बसला शॉक!

| Updated on: Jan 09, 2023 | 9:38 AM

'अनुपमा' मालिकेत पहिल्यांदाच इंटिमेट किसिंग सीन, TRP साठी अनुज-अनुपमाने उचललं पाऊल; चाहते थक्क!

Anupamaa: अनुपमा-अनुजचा किसिंग सीन लीक; रोमान्स पाहून चाहत्यांना बसला शॉक!
अनुपमा-अनुजचा किसिंग सीन लीक; रोमान्स पाहून चाहत्यांना बसला शॉक!
Image Credit source: Twitter
Follow us on

मुंबई: स्टार प्लस वाहिनीवरील ‘अनुपमा’ ही मालिका टीआरपीच्या यादीत नेहमीच अग्रस्थानी असते. आपल्या कुटुंबीयांची प्रत्येक जबाबदारी पार पाडत असताना स्वत:कडे दुर्लक्ष झालेल्या अनुपमा या गृहिणीची कहाणी यात दाखवण्यात येत आहे. गेल्या काही काळात या मालिकेच्या कथेत बरेच बदल झाले. अनुपमा आता स्वावलंबी आणि स्वत:साठी निर्णय घेणारी महिला झाल्याचं दाखवण्यात येतंय. मात्र मालिकेच्या आगामी एपिसोडमध्ये प्रेक्षकांना मोठा धक्काच बसणार आहे. कारण पहिल्यांदाच अनुपमा आणि अनुज यांचा इंटिमेट किसिंग सीन दाखवण्यात येणार आहे.

अनुपमा आणि अनुजचा रोमान्स

अनुपमा आणि अनुज यांचा हा किसिंग सीन लीक झाला आहे. मालिकेच्या कथेत गेल्या काही दिवसांपासून या दोघांमध्ये वाद सुरु होते. हा तणाव विसरून नवीन सुरुवात करण्यासाठी अनुपमाने सरप्राइज रोमँटिक डेट प्लॅन केला आहे. अनुपमाला अनुजसोबतच्या नात्याची नवी सुरुवात करायची आहे आणि यात ती यशस्वी ठरली आहे.

हे सुद्धा वाचा

या मालिकेत अनुज आणि अनुपमा पहिल्यांदाच इंटिमेट झाले आहेत. त्यामुळे या एपिसोडमध्ये मालिकेच्या टीआरपीत मोठी वाढ होणार असल्याचा अंदाज व्यक्त होत आहे. अनुज आणि अनुपमाच्या सिझलिंग केमिस्ट्रीने प्रेक्षकांचं लक्ष वेधलं आहे.

अनुपमा या मालिकेत अभिनेत्री रुपाली गांगुली अनुपमाची तर अभिनेता गौरव खन्ना हा अनुजची भूमिका साकारतोय. या मालिकेत मिथुन चक्रवर्ती यांची सून मदालसा शर्मासुद्धा महत्त्वपूर्ण भूमिकेत आहे. रुपाली गांगुली आणि गौरव खन्ना हे मालिकेत रोमँटिक सीन करणार नाहीत, असा चाहत्यांचा अंदाज होता. मात्र मालिकेत हे नवं वळण आणत निर्मात्यांनी चाहत्यांना मोठा धक्काच दिला आहे.