प्रेमानंद महाराजांच्या शिष्यासोबत लग्न करणारी अभिनेत्री प्रेग्नेंट, बॉयफ्रेंडसोबत नको ते व्हिडीओ समोर येताच स्वीकारला अध्यात्म
झगमगत्या विश्वात असे अनेक सेलिब्रिटी आहेत, जे प्रेमानंद महाराजांचे भक्त आहे. अशात एका अभिनेत्रीबद्दल मोठी माहिती समोर आली आहे. बॉयफ्रेंडसोबत नको ते व्हिडीओसमोर आल्यानंतर अभिनेत्रीने प्रेमानंद महाराजांच्या शिष्यासोबत लग्न केलं आणि आता ती प्रेग्नेंट आहे.
वृंदावर स्थित प्रेमानंद महाराज यांच्या भक्तांची संख्या फार मोठी आहे. फक्त भारतातच नाही तर, परदेशात देखील त्यांची ख्याती पसरलेली आहे. दरम्यान, प्रेमानंद महाराज यांचं आश्रम सध्या वादाच्या भोवऱ्यात असताना, एका प्रसिद्ध अभिनेत्रीबद्दल मोठी अपडेट समोर येत आहे. ग्लॅमर विश्वाचा निरोप घेत एका लोकप्रिय अभिनेत्रीने अध्यात्माचा मार्ग स्वीकारला आणि प्रेमानंद महाराज यांची शिष्या झाली. त्यानंतर अभिनेत्री प्रेमानंद महाराज यांच्या शिष्यासोबतच लग्न केलं. आता अभिनेत्री आई होणार आहे. ही गुडन्यूज खुद्द अभिनेत्रीने सोशल मीडियाच्या माध्यमातून चाहत्यांपर्यंत पोहोचवली आहे.
सध्या ज्या अभिनेत्रीची चर्चा रंगली आहे, ती अभिनेत्री दुसरी तिसरी कोणी नसून भोजपूरी अभिनेत्री प्रियंका पंडित आहे. सोशल मीडियाच्या माध्यमातून अभिनेत्रीने प्रेग्नेंट असल्याची घोषणा केली आहे. सध्या सर्वत्र फक्त आणि फक्त अभिनेत्रीची चर्चा सुरु आहे. प्रियंका हिच्याबद्दल सांगायचं झालं तर, एका काळी खसारी लाल यादवसह अनेक मोठ्या सुपरस्टार्ससोबत काम करणारी अभिनेत्री प्रियंका पंडित हिने काही काळापूर्वी शोबिज सोडून कृष्णभक्तीचा मार्ग पत्करला होता.
प्रियंका हिने अगदी गुप्तपणे प्रेमानंद महाराजांच्या हरि सेवकासोबत लग्न करून नव्या आयुष्याची सुरुवात केली. आता कृष्णभक्तीत तल्लीन असतानाच तिला आई होण्याचं सौभाग्य लाभलं आहे. सोशल मीडियावरर एक सुंदर फोटो शेअर करत तिने कॅप्शनमध्ये, ‘आमच्या घरी एक लहानशी खूशहाली येणार आहे.’ असं लिहिलं आहे.
बॉयफ्रेंडसोबत नको ते व्हिडीओ
एक काळ असा होता, जेव्हा प्रियंका झगमगत्या विश्वात करियरच्या उच्च शिखरावर होती, तिने जवळपास 50 सिनेमांमध्ये महत्त्वाची भूमिका साकारत चाहत्यांचं मनोरंजन केलं. पण खासगी आयुष्यातील एका चुकीमुळे सर्व होत्याचं नव्हतं झालं. अभिनेत्री बॉयफ्रेंडसोबत नको ते व्हिडीओ सोशल मीडियावर व्हायरल झाल्यानंतर तिला सिनेमाच्या ऑफर येणं देखील कमी झालं. तिच्याबद्दल अनेक चर्चा देखील रंगल्या.
अशात, निर्माण झालेल्या परिस्थितीला कंटाळल्यानंतर प्रियंका हिने सिनेविश्वाला राम राम ठोकला आणि अध्यात्माचा मार्ग स्वीकारला. ती प्रेमानंद महाराज यांची शिष्य बनली असून त्यांच्याच शिष्यासोबत तिने लग्न केलं. पण तिचा नवरा कोण आहे. याबद्दल माहिती समोर आलेली नाही. प्रियंकाने सोशल मीडियावर नवऱ्यासोबत फोटो पोस्ट केले आहेत. पण चेहरा लपवला आहे.
