ऐश्वर्या राय दिवसाची सुरूवात करते या एका सवयीने, अभिनेत्री पहिल्यांदाच बोलली खासगी आयुष्याबद्दल, दररोज..

Aishwarya Rai

बॉलिवूड अभिनेत्री ऐश्वर्या राय कायमच चर्चेत असलेले नाव आहे. ऐश्वर्या राय हिने नुकताच मोठा खुलासा केला. ऐश्वर्या राय हिने पहिल्यांदाच तिच्या खासगी आयुष्याबद्दल खुलासा केला. एकाच वेळी कुटुंब, मुलाखत, शूटिंग आणि कुटुंबाची जबाबदारी कशी पार पाडते हे ऐश्वर्या राय हिने स्पष्ट केले. ऐश्वर्या राय हिने एक मुलाखत दिली. Harpers Bazaar Indonesia ला दिलेल्या मुलाखतीमध्ये ऐश्वर्या हिने तिचा 24 तासाचा दिनक्रम सांगितला. ऐश्वर्या म्हणाली की, ठरवल्याप्रमाणे कधी दिवसभरात गोष्टी होत नाहीत. पण मी दररोज सकाळी 5.30 ला उठते. मुळात म्हणजे जगासाठी दिवसात 24 तास असतात पण आपल्याला आपल्या जबाबदाऱ्या पार पाडण्यासाठी 24 तासाचे 48 तास काम करण्याचा प्रयत्न करावा लागतो. तेव्हा सर्व काम पूर्ण होतील. दररोजचा दिनक्रम ठराविक चाैकटीत बसवणं शक्य नाही. कुटुंब, काम आणि आई असलेली भूमिका वेगळी आहे.

पण यात सर्वात महत्वाची गोष्टी मी यासर्व गोष्टी व्यवस्थित करण्यासाठी दिवसाची सुरूवात लवकर करते. महिला एका दिवसात अनेक भूमिका पार पाडतात. कोणते काम किती वाजता केले, यापेक्षा महत्वाचे आहे की, आपण केलेली कामे किती योग्य पद्धतीने करतो, हे महत्वाचे आहे. कोणतेही काम समाधानाने पूर्णत्वास नेणे महत्वाचे आहे.

दिनक्रम म्हणजे आपल्याकडे असलेल्या वेळेच काटेकोरपणे नियोजन करून नाही तर आपल्या जबाबदाऱ्या पार पाडणे महत्वाचे आहे. मी माझे काम करत असताना माझा कोणताही ठराविक कानमंत्र नाही. मी फक्त सकारात्मक गोष्टींकडे बघते. माझ्याकडे दिवसभरात कितीही कामे असली तरीही मी फक्त सकारात्मक राहण्याचा प्रयत्न करते. यासोबतच आपल्या जबाबदाऱ्यांबद्दलही प्रामाणिक राहा.

दिवसाच्या प्रत्येक क्षणाचा आनंद घेता आला पाहिजे. ऐश्वर्या राय हिने म्हटले की, सकाळी लवकर उठल्याने कामे लवकर होतात. मुळात म्हणजे सकाळी लवकर उठणे प्रत्येक व्यक्तीसाठी आपोआप फायदेशीर ठरते. नियमित आणि पुरेशी झोपही महत्वाची आहे. सकाळी लवकर उठल्याने आपल्याला सकाळी स्वत:साठी वेळ मिळतो. पण असे अजिबात नाही की, पहाटे उठायचे आहे म्हणून आपण आपल्या झोपीची वेळ कमी करायचा.