Dhurandhar 2 मध्ये दाखवलेला दाऊद इब्राहिमचा आजार 80 % खरा, दहशतीत गेलं 90 चं दशक कारण…, बड्या व्यक्तीकडून खळबळजनक दावा
Dhurandhar 2 Dawood Ibrahim Health : 90 च्या दशकात सेलिब्रिटी, उद्योजकांपासून सामान्य जनतेलाही दाऊद इब्राहिम द्यायचा त्रास, 'धुरंधर 2' मध्ये दाखवलेला त्याचा आजार 80 % खरा... एका बड्या व्यक्तीकडून मोठी माहिती समोर...
Dhurandhar 2 Dawood Ibrahim Health : मुंबई पोलिसांचे माजी एन्काउंटर स्पेशालिस्ट आणि शार्प ऑफिसर प्रदीप शर्मा यांच्यावर जीवनावर आधारित ‘अब तक 112’ सिनेमामुळे चर्चे आहेत. नुकताच दिलेल्या एका मुलाखतीत प्रदीप शर्मा यांनी दाऊद इब्राहिम आणि 90 दकातील त्याच्या दहशतीबद्दल मोठा खुलासा केला आहे. एक काळ असा होता जेव्हा प्रदीप शर्मा यांसारख्या अधिकाऱ्यांनी कुख्यात गुंडांचा मोर्चा सांभाळला होता… प्रदीप शर्मा यांनी स्वतःचं आयुष्य, पोलीस सिस्टम, अंडरवर्ल्ड आणि बॉलिवूडबद्दल अनेक खुलासे केले आहे…. सध्या सर्वत्र फक्त आणि फक्त प्रदीप शर्मा यांनी केलेल्या दाव्यांची चर्चा रंगली आहे.
पोलीस अधिकारी होण्याची प्रदीप शर्मा यांची लहानपणापासून इच्छा होती आणि त्यांनी मनातील इच्छा पूर्ण देखील केली. पोलीस खात्यात नोकरी करत त्यांनी मोठ्या – मोठ्या गुंडांना गुडघ्यावर आणलं. प्रदीप शर्मा म्हणाले, ’90 दशकात मुंबई पूर्ण अंडरवर्ल्डच्या दहशतीखाली होती. दाऊद इब्राहिम, छोटा राजन, अरुण गवळी आणि अमर नाइक यांचा मुंबईवर ताबा होता.’
‘प्रत्येक दिवशी शुटआउटच्या घटना समोर यायच्या. मोठ्या उद्योजकांपासून बॉलिवूड सेलिब्रिटींना धमकीचे फोन यायचे. सामान्य जनतेमध्ये देखील भीतीचं वातावरण होतं. जर कोणी कार खरेदी केली किंवा नवीन घर घेतलं की, गँगस्टरचा त्यांना फोन जायचा आणि ते पैशांची मागणी करायचे. अशी परिस्थिती होती की, लोक दाऊदच्या नावाने लॉकेट आणि ब्रेसलेट बनलत होते… ‘
प्रदीप शर्मा यांनी असंही सांगितलं की, बॉलिवूड इंडस्ट्रीच्या लोकांमध्ये देखील भीतीचं वातावरण होतं. गँगस्टर अभिनेते आणि निर्मात्यांना धमकवायचे. त्यांचं ऐकलं नाही तर, सेलिब्रिटींवर हल्ला करायचे… त्यांच्या दहशतीमुळे अनेक कलाकार गँगस्टर जे बोलतील ते ऐकायचे…
त्यावेळी प्रदीप शर्मा खंडणी विरोधी पथकात होते आणि चित्रपटसृष्टीतील अनेक लोक त्यांच्याकडे मदतीसाठी यायचे. त्यांनी असंही सांगितलं की, ‘धुरंधर 2’ सारख्या सिनेमांमध्ये आणि सीरिजमध्ये दाऊद इब्राहिमला आजारी दाखवलं जातं, पण प्रत्यक्षात तो बऱ्याच अंशी तसाच आहे. असं देखील प्रदीप शर्मा म्हणाले.
मुलाखतीत प्रदीप शर्मा यांनी पोलीस सिस्टमबद्दल देखील मोठा खुलासा केला आहे. प्रदीप शर्मा म्हणाले, ‘प्रामाणिक आणि मेहनती पोलीस अधिकाऱ्यांचा सिस्टम वेळ पडली की वापर करते आणि त्यानंतर लक्ष देखील देत नाही…’ एक जुनी केस सांगत प्रदीप शर्मा म्हणाले, ‘जेजे हॉस्पिटलमध्ये शूटआऊट झाल्यानंतर, एका रात्रीत आरोपींना पकडण्याचा दबाव होता आणि पोलिसांना ते ऑपरेशन पूर्ण देखील केलं. पण त्यानंतर छोटी चूक झाली तेव्हा सिस्टमने पाठ फिरवली…’ असं देखील प्रदीप शर्मा म्हणाले.
