Ram Charan: मोठ्या मनाचा माणूस; RRR सिनेमाच्या स्टाफला रामचरणने दिली सोन्याची नाणी

Ram Charan

Image Credit source: Instagram

एस. एस. राजामौली (SS Rajamouli) दिग्दर्शित RRR हा चित्रपट बॉक्स ऑफिसवर दणक्यात कमाई करतोय. अवघ्या नऊ दिवसांत या चित्रपटाने जगभरात तब्बल 850 कोटींचा गल्ला जमवला आहे. रामचरण, ज्युनियर एनटीआर यांच्या मुख्य भूमिका असलेल्या या चित्रपटात आलिया भट्ट आणि अजय देवगण हे बॉलिवूड स्टारसुद्धा झळकले. जगभरात या चित्रपटाला मिळत असलेल्या यशाला पाहून रामचरणने (Ram Charan) त्याच्या टीमला चक्क सोन्याच्या नाणी भेट म्हणून दिल्या आहेत. RRR च्या युनिट क्रू मेंबर्सना आणि टीममधील इतर सहाय्यक कर्मचाऱ्यांना त्याने 10 ग्राम सोन्याचं नाणं भेट म्हणून दिल्याचं वृत्त आहे. 2018 पासून तो या चित्रपटासाठी मेहनत घेत होता. या चार वर्षांच्या मेहनतीचं फळ त्याला मिळालं असून या फळाचा गोडवा त्याने टीममधील मेंबर्ससोबत मिळून चाखला आहे. (Gold Coins)

19 नोव्हेंबर 2018 पासून या चित्रपटाच्या शूटिंगला सुरुवात झाली. हैदराबादमधील विविध ठिकाणी या चित्रपटाचं शूटिंग पार पडलं. चित्रपटाने कमाईचा 800 कोटींचा टप्पा पार केल्यानंतर रामचरणने त्याच्या क्रू मेंबर्सना घरी चहापानासाठी बोलावलं आणि त्यावेळी त्याने सोन्याचं नाणं त्यांना भेट म्हणून दिलं. कॅमेरा असिस्टंट्स, प्रॉडक्शन मॅनेजर्स, अकाऊंट्स, फोटोग्राफर्स आणि इतर सहाय्यकांचा यात समावेश होता. या सोन्याच्या नाण्यावर एका बाजूला RRR हे नाव आणि दुसऱ्या बाजूला रामचरण हे नाव कोरण्यात आलं आहे.

RRR ची झलक-

RRR या चित्रपटात देशाच्या स्वातंत्र्यापूर्वीचा 1920 चा काळ दाखवण्यात आला आहे. अल्लुरी सीताराम राजू (रामचरण) आणि कोमाराम भीम (ज्युनियर एनटीआर) या दोन क्रांतिकारकांभोवती चित्रपटाची कथा फिरते. इतिहासातील ही दोन महत्त्वाची नावं जरी घेतली असली तरी चित्रपटाची संपूर्ण कथा ही काल्पनिक आहे. यामध्ये आलियाने सीता ही व्यक्तीरेखा साकारली आहे.

हेही वाचा:

Ananya Panday: तीन वर्षांच्या रिलेशनशिपनंतर अनन्या पांडे-इशान खट्टरचं ब्रेकअप

VIDEO: आईची साडी नेसून मायराचा अफलातून डान्स; ‘गंगुबाई’ आलियासुद्धा पडेल फिकी!