Bigg Boss Marathi Season 3 Winner LIVE | … आणि ‘बिग बॉस मराठी 3’चा विजेता ठरला विशाल निकम! जय दुधाणेच्या गळ्यात उपविजेतेपदाची माळ!

‘बिग बॉस मराठी 3’ या पर्वाचा विजेता विशाल निकम ठरला आहे. ट्रॉफी आणि 20 लाखांचं बक्षीस मिळवत त्याने चाहत्यांची मने जिंकली आहेत. ‘सात जलमाच्या गाठी’ या मालिकेतून मनोरंजन विश्वात पाऊल ठेवणाऱ्या विशालने ‘दक्खनचा राजा जोतिबा’, ‘जय भवानी जय शिवाजी’ या सारख्या मालिकांमध्ये काम केले आहे.

‘बिग बॉस मराठी 3’चा शेवट आता अवघ्या काही मिनिटांवर आला आहे. यावेळी बिग बॉसने विशाल निकम आणि जय दुधाणे यांना शेवटचा आदेश दिला. या दोन्ही स्पर्धकांनी घरातील दिवे विझवून बाहेर येण्याचा आदेश दिला.

‘टॉप 3’ मधून आता विकास पाटील देखील घराबाहेर झाला आहे. दाराच्या टास्कमध्ये विकासचे परत जाण्याचे दार मात्र उघडलेच नाही. अर्थात यानंतर त्याला मुख्य दरवाज्यातून थेट बाहेर पडावे लागले. आता ट्रॉफीसाठी विशाल आणि जयमध्ये चुरस रंगली आहे.

या स्पर्धेत शेवटच्या आठवड्यात घराबाहेर पडलेल्या मीरा जगन्नाथने ‘अप्सरा आली’ या गाण्यावर नृत्य सादर करत, या सोहळ्याला एक वेगळीच झळाळी दिली.

‘बिग बॉस मराठी 3’च्या महाअंतिम सोहळ्यात या पर्वातील सगळ्या स्पर्धकांनी हजेरी लावली. मात्र, यामध्ये शिवलीला कुठेही दिसली नाही. या शो मधून अचानक माघार आणि नंतर टीका यामुळे शिवलीला उपस्थित राहिली नसल्याची चर्चा रंगली आहे.

‘बिग बॉस मराठी 3’च्या मंचावर नुकतीच महेश मांजरेकर यांनी त्यांच्या आगामी नवीन चित्रपटाची घोषणा केली आहे. या चित्रपटात ते चक्क जय दुधाणे याला मुख्य भूमिका देणार असल्याचे घोषित केले आहे. ‘शनिवार वाडा’ असे या चित्रपटाचे नाव असणार आहे.

महाअंतिम सोहळ्यात आता आणखी एक स्पर्धक बाहेर गेला आहे. ‘माईंड गेमर’ अशी ओळख मिळवलेला उत्कर्ष शिंदे घराबाहेर गेला आहे.

‘बिग बॉस मराठी 3’च्या महाअंतिम सोहळ्यात आता केवळ पाच स्पर्धक शिल्लक राहिले होते. त्यातील एक बाहेर जाण्याची प्रक्रिया सुरु झाली. यासाठी घरात ‘बिग बॉस मराठी 2’चा विजेता शिव ठाकरे याने एन्ट्री केली.  यावेळी त्याच्या हातात 5 लाखांची ब्रीफकेस होती. यावेळी सर्व स्पर्धकांना ते पैसे घेऊन बाहेर पडण्याची संधी देण्यात आली होती. मात्र, सर्वानीच ती नाकारली. मात्र, यावेळी एक स्पर्धक घर बाहेर जाणं ठरलेलं होतं. कमी मतं मिळाल्याने यावेळी मीनल शहा घराबाहेर गेली आहे.

कलर्स मराठीवर लवकरच ‘आई मायेचं कवच’ या नावाची एक मालिका प्रेक्षकांच्या भेटीला येत आहे. याच निमित्ताने या मालिकेच्या मुख्यकलाकारांनी उपस्थिती दर्शवली. यावेळी त्यांनी घरातील स्पर्धकांशी संवाद देखील साधला.

या सोहळ्याची सुरुवात स्पर्धकांच्या धमाकेदार परफॉरमन्सने झाली आहे. विशाल-जय, उत्कर्ष-विकास आणि मीनल यांनी धमाल गाण्यावर नृत्य सादर केले आहे.

‘बिग बॉस मराठी 3’च्या स्पर्धकांपैकी एक असणाऱ्या सुरेखा कुडची यांनी मीनल शहाला आपला पाठींबा दिला आहे. त्याच बरोबर मी देखील हीच नावं घेतली होती असं त्या म्हणाल्या.

या सोहळ्याची सुरुवात स्पर्धकांच्या धमाकेदार परफॉरमन्सने झाली आहे. विशाल-जय, उत्कर्ष-विकास आणि मीनल यांनी धमाल गाण्यावर नृत्य सादर केले आहे.

‘बिग बॉस मराठी 3’च्या महाअंतिम सोहळ्याला सुरुवात झाली आहे. महाअंतिम सोहळ्याच्या सुत्रसंचालनाची धुरा महेश मांजरेकरांच्याच हातीच आहे. या सोहळ्याला या पर्वातील एलिमिनेटेड स्पर्धक देखील हजर आहेत!

टॉप 5 स्पर्धकांमध्ये (Bigg Boss Marathi 3 Grand Finale) विशाल निकम, मीनल शाह, विकास पाटील, उत्कर्ष शिंदे आणि जय दुधाणे यांनी स्थान मिळवलं आहे. आता विजेतेपदाचा मान कोणाला मिळणार, कोणते दोन स्पर्धक बिग बॉसच्या घराचे दिवे बंद करुन अलविदा करणार, याकडे सर्वांचंच लक्ष लागलं आहे. सोशल मीडियावर असलेल्या विविध ट्रेण्ड्सच्या आधारे आम्ही ‘बिग बॉस मराठी 3’ चा संभाव्य विजेता कोण असेल, कुठल्या क्रमाने स्पर्धक बाद होतील, याचा एक ढोबळ अंदाज वर्तवला आहे.

विशाल निकम – 28 टक्के मतांचा अंदाज
जय दुधाणे – 25 टक्के मतांचा अंदाज
विकास पाटील – 23 टक्के मतांचा अंदाज
मीनल शाह – 17 टक्के मतांचा अंदाज
उत्कर्ष शिंदे – 7 टक्के मतांचा अंदाज

‘बिग बॉस मराठी 3’चा ग्रँड फिनाले रविवारी अर्थात 26 डिसेंबर रोजी संध्याकाळी 7 वाजता सुरू होणार आहे आणि या सोहळ्याच्या शेवटी ‘बिग बॉस मराठी 3’ सीझनच्या विजेत्याला ट्रॉफी आणि बक्षीस देण्यात येणार आहे. हा सोहळा ‘कलर्स मराठी’ वाहिनी आणि ‘वूट’वर पाहता येणार आहे.