‘बिग बॉस 17’चा विजेता होणार मालामाल, ट्रॉफीसह मिळणार तब्बल इतकी रक्कम, थेट..

मुंबई : बिग बॉस 17 चा फिनाले काही दिवसांवरच आलाय. बिग बॉस 17 चा विजेता कोण होणार याबद्दल जोरदार चर्चा ही रंगताना दिसत आहे. बहुचर्चित बिग बॉस 17 चा फिनाले आता 28 जानेवारी 2024 रोजी होणार आहे. या ग्रँड फिनालेमध्ये मोठी धमाल होणार हे निश्चितच आहे. सलमान खान हा ग्रँड फिनालेला होस्ट करताना दिसेल. बिग बाॅसच्या घरात सध्या टाॅप 5 फायनलिस्ट आहेत. या शोला आता 100 दिवसांपेक्षाही अधिक कालावधी झालाय. अखेर बिग बाॅस 17 ची ट्रॉफी ही कोणाच्या नावावर होणार हे देखील पाहण्यासारखे ठरणार आहे.

बिग बॉस 17 चा ग्रँड फिनाले आपल्याला 28 जानेवारी 2024 रोजी कलर्स टीव्हीवर बघता येणार आहे. विशेष बाब म्हणजे यंदाचा बिग बॉस 17 चा विजेता मालामाल होईल. बक्षिसांचा वर्षाव बिग बॉस 17 च्या विजेतावर होईल. बिग बॉस 17 च्या विजेत्याला मिळणाऱ्या रक्कमेमध्ये मोठी वाढ केलीये. लखपती बिग बॉस 17 चा विजेता होणार हे नक्कीच आहे.

रिपोर्टनुसार बिग बॉस 17 च्या विजेत्याला 30 ते 40 लाख रूपये बक्षिसाची रक्कम मिळणार आहे. यावेळी बक्षिसाच्या रक्कमेमध्ये वाढ केल्याची माहिती मिळतंय. गेल्या वर्षी बिग बाॅस 16 चा विजेता असलेल्या एमसी स्टॅन याला ट्रॉफीसह 31.8 लाख रूपये मिळाले होते. थोडक्यात काय तर बिग बॉस 17 चा विजेता हा मालामाल होणार हे नक्की आहे.

बिग बॉस 17 च्या विजेतेपदासाठी मोठी चुरस ही बघायला मिळतंय. मुनव्वर फारूकी आणि अभिषेक कुमार यांच्यापैकी एकजण हा बिग बॉस 17 चा विजेता होईल, अशी चर्चा आहे. रिपोर्टनुसार अंकिता लोखंडे ही टाॅप 3 मध्ये देखील नाहीये. टाॅप 3 मध्ये अभिषेक कुमार, मुनव्वर फारूकी आणि मनारा चोप्रा हे आहेत, असे रिपोर्टमध्ये सांगितले जातंय.

बिग बॉस 17 च्या सीजनला टीआरपीमध्ये म्हणावा तसा धमाका करण्यात अजिबातच यश मिळाले नाही. यंदा बिग बॉस 17 च्या निर्मात्यांनी टीआरपी वाढण्यासाठी कंबर कसली. मात्र, असे असतानाही धमाका करण्यात यश मिळाले नाही. बिग बॉस 17 च्या प्रत्येक अपडेटवर आता प्रेक्षकांच्या नजरा या बघायला मिळत आहेत.