Monsoon diet: पावसाळ्यात तंदुरुस्त राहा, ‘या’ रेसिपीच्या मदतीनं आहारात करा हळदीचा समावेश…
पावसाळ्यात संसर्गजन्य रोगांचा धोका जास्त असतो. अशा परिस्थितीत शरीराची रोगप्रतिकारक शक्ती वाढवणे खूप गरजेचे आहे. रोगप्रतिकारक शक्ती वाढविण्यासाठी हळदीचे सेवन करणे खूप फायदेशीर मानले जाते. जाणून घ्या..
मुंबई : पावसाळ्यात अनेक संसर्गजन्य आजार डोकं वर काढतात. अशा वेळी, प्रतिकारशक्ती कमकुवत (Weak immunity) असल्यास, त्यांना विषाणूचा संसर्ग होण्याचा धोका जास्त असतो. यामुळेच आरोग्य तज्ज्ञ लोकांना त्यांच्या आहारात अधिकाधिक रोगप्रतिकारक शक्ती वाढवणाऱ्या पदार्थांचा समावेश करण्याचा सल्ला देतात. हळदीचे सेवन रोगप्रतिकारक शक्ती वाढवण्यासाठी खूप फायदेशीर असल्याचे तज्ञांचे मत आहे. हळद हा स्वयंपाकघरात आढळणाऱ्या सर्वात सामान्य मसाल्यांपैकी एक आहे. हे केवळ जेवणाची चवच वाढवत नाही तर अनेक रोगांवर उपचार करण्यास सक्षम आहे. आरोग्य तज्ज्ञांच्या मते, दररोज किमान 1 ग्रॅम हळद खाल्ल्याने रोगप्रतिकारक शक्ती मजबूत होते. वैज्ञानिक अभ्यासात, संशोधक या निष्कर्षापर्यंत पोहोचले की हळदीमध्ये कर्क्यूमिन (Curcumin in turmeric) नावाचे घटक आढळतात, जे रोगप्रतिकारक शक्ती मजबूत करते. इतकेच नाही तर अनेक संशोधनानुसार हळदीचे सेवन केल्याने फुफ्फुसातील जळजळ (Inflammation of the lungs) कमी होत असल्याचे सांगीतले आहे.
हळदीचा काढा
हळदीचा वापर त्याच्या अँटी-बॅक्टेरियल गुणधर्मामुळे सर्वजण करतात. तुम्हाला हवं असल्यास हळद आणि तुळशीच्या पानांचा काढा बनवून पिऊ शकता. ते बनवण्यासाठी दोन कप पाणी गरम करा. पाणी उकळायला लागल्यावर त्यात एक चमचा हळद आणि दहा ते पंधरा तुळशीची पाने टाका. तसेच गोडपणासाठी मध किंवा गूळ घाला. फक्त थोडा वेळ शिजवा आणि एका कपमध्ये गाळून घ्या. हळदीचा हा काढा प्यायल्याने रोगप्रतिकारक शक्ती मजबूत होते.
हळदीचा चहा
जर तुम्हाला चहा प्यायला आवडत असेल तर, तुम्ही हळदीचा चहा बनवू शकता. हे इम्युनिटी बूस्टर ड्रिंक बनवण्यासाठी तुम्हाला हळद, आले, काळी मिरी, मध आणि पाणी लागेल. या सर्व गोष्टी पाण्यात टाका आणि चांगले शिजवा. हळदीचा चहा तयार आहे.
हळदीचे दूध
हळदीच्या दुधाला लिक्विड गोल्ड म्हणतात. हे पिण्याचे अनेक आरोग्य फायदे आहेत. गरम दुधात हळद शिजवून प्यायल्याने रोगप्रतिकारशक्ती वाढते, पावसाळ्यात आरोग्य चांगले राहते.
पुदिना आणि हळद चटणी
चटणी जेवणाची चव वाढवण्याचे काम करते. चटणीमध्ये हळदीचाही समावेश करता येतो. हळदीची चटणी बनवण्यासाठी तुम्हाला पुदिन्याची पाने, दोन चमचे हळद, तीन चमचे कोथिंबीर लागेल. हिरवी मिरची, जिरे, तीन ते चार लसूण कळ्या. कांदा बारीक चिरलेला, काळे मीठ, जाम यांचा उपयोग करावा लागेल. चटणी बनवण्यासाठी हळद आणि जिरे चोळून पेस्ट बनवा. त्यात इतर सर्व मसालेही टाका. पुदिन्याची पाने, कोथिंबीर, लसूण पाकळ्या आणि काळे मीठ जसे. सर्व साहित्य मिसळा आणि बारीक करा. हळदीची चटणी तयार आहे. दुपारच्या जेवणात किंवा नाश्त्यात रोटी, पराठा सोबत खा.