देश कोरोनामुक्त केला, आता ओमिक्रॉनला घाबरून स्वत:चाच विवाह सोहळा रद्द; न्यूझीलंडच्या पंतप्रधान Jacinda Ardern यांचा मोठा निर्णय
कोरोनाची पहिली लाट आल्यानंतर न्यूझीलंडच्या पंतप्रधान जेसिंडा अर्डन यांनी देशभरात काटेकोर अंमलबजावणी करून कोरोनावर नियंत्रण मिळवलं.
वेलिंग्टन: कोरोनाची पहिली लाट आल्यानंतर न्यूझीलंडच्या पंतप्रधान जेसिंडा अर्डन यांनी देशभरात काटेकोर अंमलबजावणी करून कोरोनावर नियंत्रण मिळवलं. संपूर्ण न्यूझीलंड कोरोनामुक्त केला. पण आता पुन्हा एकदा न्यूझीलंडमध्ये कोरोनाचा व्हेरिएंट असलेल्या ओमिक्रॉनने डोकं वर काढले आहे. त्यामुळे देशात कडक निर्बंध लागू करण्यात आले आहेत. एवढेच नव्हे तर जेसिंडा अर्डर्न यांनी आपला विवाह सोहळाही रद्द केला आहे. तशी घोषणाच त्यांनी पत्रकार परिषदेत केली आहे.
ऑकलंड येथे एका विवाह सोहळ्यात एक कुटुंब सहभागी झालं होतं. या कुटुंबातील नऊ जणांना कोरोना व्हायरसच्या ओमिक्रॉन व्हेरिएंटची लागण झाली. त्यानंतर देशात कोरोना निर्बंध लागू करण्याचा निर्णय घेण्यात आला. पंतप्रधान जेसिंडा अर्डर्न यांनी आज ही घोषणा केली. न्यूझीलंडमधील कोरोना रोखण्यासाठी रंगावर आधारीत धोरण ठरवण्यात आलं आहे. त्यानुसार सोमवारी रेड सेटिंग अंमलात येणार असून प्रत्येकाला मास्क वापरणे आणि समागमात लोकांची संख्या मर्यादित ठेवण्याच्या सूचना देण्यात आल्या आहेत.
निर्बंध असतील पण लॉकडाऊन नाही
रेड सेटिंग म्हणजे लॉकडाऊन नाही. उद्योग व्यवसाय सुरू राहतील. नातेवाईकांना, मित्रांना भेटण्याची परवानगी राहील. देशातील लोकांना फिरण्यास मुभा असेल. कोरोनाप्रमाणेच सुरुवातीच्या टप्प्यातच ओमिक्रॉनवर नियंत्रण आणायचं आहे. त्यासाठी आपण टेस्टिंगचा वेग वाढवणार आहोत. संपर्कात आलेल्यांचा शोध घेणार आहोत, असं जेसिंडा यांनी सांगितलं.
तर ओमिक्रॉन रोखणं कठिण
ज्या देशांमध्ये कोरोना संक्रमणाने ओमिक्रॉनचं स्वरूप धारण केलं नाही, अशा देशांपैकी न्यूझीलंड एक देश आहे. मात्र, जर हा संसर्ग फैलावला तर त्याला रोखणं कठिण जाईल, असं त्यांनी मान्य केलं. ओमिक्रॉन रोखण्यासाठीच न्यूझीलंड सतर्क झालं आहे. मी माझा विवाह सोहळा देखील रद्द करत आहे, असं त्यांनी स्पष्ट केलं.
संबंधित बातम्या:
New Guidelines for International Travelers in India | या 19 देशातून येणाऱ्यांसाठी असणार नवी नियमावली
BombBlast: एकामागून एक पाच स्फोटांनी लाहोर हादरलं, जमिनीत दीड फुटांचा खड्डा, 5 मृत्यू, 20 जण जखमी,
