Tea-Coffee: उपवासाला चहा प्यावा की कॉफी? शरीरासाठी काय फायदेशीर

Tea Coffee Fasting: आता सणासुदीच्या काळात अनेक जण उपवास करतात. भारतीय धार्मिक परंपरेत उपवासाला खूप महत्त्व आहे. शरीर शुद्धीसाठी आणि मनावर ताबा मिळवण्यासाठी, देवाचे एकाग्रतेने नामस्मरण करण्यासाठी उपवास करण्यात येतो. पण उपवासाला अनेक जण भूक मारण्यासाठी मग शाबुदाण्याची खिचडी, चहा, कॉफीचा धडाका सुरू करतात. रिकाम्या पोटी चहा अथवा कॉफी पिणे आरोग्यासाठी अपायकारक असते. पण चहा अथवा कॉफी पैकी कोणते सर्वाधिक हानीकारक कोणते पेय?

उपवासाच्या दिवशी चहा प्यावा की नाही?

उपवासाच्या दिवशी अनेक जण दुधाचा चहा पितात. तर काही विना दुधाचा चहा घेतात. हर्बल टी, ग्रीन टी अथवा कमी साखरेचा, दुधाचा चहा करतात. यामुळे शरीराला थोडी ऊर्जा मिळते. ताण कमी होतो. थोडी तरतरी येते. पण रिकाम्या पोटी असा जास्त दुधाचा, साखरेचा चहा पिल्यास अपचन, गॅस, पित्त अथवा छातीत जळजळ होते. किंचित डोके दुखाल्यासारखे वाटू शकते. त्यामुळे अति चहा टाळणे गरजेचे आहे.

कॉफी पिण्याचे फायदे आणि तोटे?

अनेक जण ब्लॅक कॉफी अथवा कमी दुधाची कॉफी पितात. यामुळे अशक्तपणा अथवा आळस तात्काळ पळतो. मेंदू सतर्क होतो. ब्लॅक कॉफी पचनास मदत करते. मेटाबॉलिझम वाढवते. पण रिकाम्या पोटी जास्त कॉफिन शरीरात गेल्यास डिहायड्रेशन आणि हृदयाचे ठोके वाढण्याची शक्यता असते. चहासारखीच उपवासाच्या दिवशी अति कॉफी सुद्धा घातक ठरते.

मग सर्वोत्तम पर्याय काय?

उपवासाच्या दिवशी अतिप्रमाणात चहा अथवा कॉफी दोन्ही घातक ठरते. या दोन्हीपैकी एखादं पेय प्यायचे असेल तर कमी साखर आणि कमी दुधाचा चहा आणि कॉफी फायदेशीर ठरू शकते. दिवसातून एक अथवा दोन कप चहा अथवा कॉफी चांगली ठरू शकते. पण उपवासाच्या दिवशी चहा अथवा कॉफीऐवजी भरपूर पाणी, लिंबू पाणी, नारळाचे पाणी, ताक पिणे अधिक फायदेशीर ठरू शकते.

डिस्क्लेमर: ही विविध स्त्रोतावरून घेतलेली माहिती आहे, टीव्ही 9 मराठी त्याला दुजोरा देत नाही. तुमच्या वैद्यकीय तज्ज्ञाचा सल्ला आवर्जून घ्या.