Sleep Disorder: कोरोनानंतर अनेकांना जाणवतेय अनिद्रेची समस्या, तज्ज्ञांनी सुचविले उपाय

अनिद्रा

Image Credit source: Social Media

असे म्हणतात की निरोगी राहण्यासाठी पौष्टिक आहार घेणे अत्यंत आवश्यक आहे, त्याचप्रमाणे शरीर तंदुरुस्त ठेवण्यासाठी आहारासोबतच 7 ते 8 तासांची पूर्ण झोप देखील आवश्यक आहे. जर तुम्हाला रात्री नीट झोप येत नसेल किंवा अति झोप येत असेल, तर ही समस्या म्हणजे झोपेचा विकार मानली जाते. झोपेचा विकार (Sleep Disorder) एखाद्या व्यक्तीला मानसिक आणि शारीरिक दोन्ही प्रकारे हानी पोहोचवण्यासाठी पुरेसा आहे. कोरोनंतर (Post Corona) अनेकांना झोपेची समस्या जाणवत असल्याचे समोर आले आहे.  नीट झोप न लागल्यामुळे किंवा अति झोप लागत असल्याने थकवा, डोकेदुखी आणि अशक्तपणाची समस्या उद्भवते. न्यूरोलॉजी सोसायटी ऑफ इंडियाच्या मते, स्लीप रिलेटेड डिसऑर्डर (SRD) सारख्या आजारांमागे माहितीचा अभाव असल्याचे सांगितल्या गेले आहे.

झोपेच्या विकाराची कारणे कोणती?

झोप न येण्यामागे अनेक कारणे असू शकतात जसे की तणाव, चिंता आणि नैराश्य. यापैकी कोणत्याही एका समस्येमुळे झोप येत नाही, ज्याचा थेट परिणाम व्यक्तीच्या शरीरावर आणि मनावर होतो. कधीकधी ही समस्या इतकी गंभीर होते की झोपेत बोलणे, अधिक स्वप्ने पाहणे आणि झोपेत चालणे देखील सुरू होते. याशिवाय काहींना गरजेपेक्षा जास्त झोप येणे, उत्साह न वाटणे, लहान लहान कामाने थकवा जाणवणे अशा समस्या पाहायला मिळतात.

1.  सांधेदुखीसारख्या दीर्घकालीन वेदनांमुळे अचानक झोप उघडते आणि पुन्हा झोपण्याचा प्रयत्न करूनही झोप येत नाही.
2.  शरीरात होत असलेल्या हार्मोनल असंतुलनामुळे कधीकधी झोप येत नाही.
हे सुद्धा वाचा

Ganehotsav 2022: येथे पत्राद्वारे आणि फोनवर केली जाते गणपतीला प्रार्थना, अजब गणपतीची गजब कहाणी!

Tulsi Puja: तुळशीची पूजा करताना करा हे छोटे काम, घरात सदैव राहील लक्ष्मीचा वास

Pitru Paksha 2022: कधीपासून सुरु होत आहे पितृ पक्ष? या दिवसात पिंडदानाचे महत्त्व

Astrology: या राशींवर कायम असते श्रीगणेशाची कृपा, आयुष्यात नांदते सुखसमृद्धी

3.  श्वसनाच्या कोणत्याही आजारामुळे झोप येत नाही.
4.  रात्रीच्या वेळी वारंवार लघवीला जाण्यामुळे देखील झोपेचा खोळंबा होतो.

महत्वाच्या टिप्स

1. झोपण्यापूर्वी नियमित कोमट दूध पिण्याची सवय लावावी.
2.  आहारात हिरव्या भाज्या, मसूर, भाकरी, भात आणि कोशिंबीर यांसारख्या पौष्टिक पदार्थांचा अवश्य समावेश करावा.
3.  आठवड्यातून किमान 4 ते 5 दिवस पायांना मसाज करा. त्यामुळे फायदा होतो आणि झोपही चांगली लागते.
4.  चांगल्या झोपेसाठी सकाळची सुरुवात योगा किंवा जिमने करा. यामुळे दिवसभर शरीरात ऊर्जा राहील.
5.  रात्री झोपण्यापूर्वी आणि रात्रीच्या जेवणानंतर शतपावलीने  देखील चांगली झोप येण्यास मदत होते.
6.  धूम्रपान आणि मादक पदार्थ पूर्णपणे टाळावेत.
7.  चहा किंवा कॉफीचे सेवन दिवसभरात दोनदाच करावे.