14 वर्षांच्या मुलाकडून 13 वर्षांच्या मुलीची हत्या, पोटात 114 वेळा चाकू खुपसला

| Updated on: May 30, 2021 | 2:24 PM

14 वर्षांच्या एडन फूसीने 13 वर्षांची चिअरलीडर ट्रिस्टन बेलीची हत्या केल्याचा आरोप आहे (boy killed girl in Florida )

14 वर्षांच्या मुलाकडून 13 वर्षांच्या मुलीची हत्या, पोटात 114 वेळा चाकू खुपसला
फ्लोरिडातील हत्येने जगभर खळबळ
Follow us on

फ्लोरिडा : अमेरिकेतील फ्लोरिडामध्ये अंगाचा थरकाप उडवणारी घटना समोर आली आहे. 14 वर्षांच्या एडन फूसी (Aiden Fucci) या अल्पवयीन तरुणाने 13 वर्षांची चिअरलीडर ट्रिस्टन बेलीची (Tristyn Bailey) हत्या केल्याचा आरोप आहे. एडनने बेलीच्या पोटात 114 वेळा चाकू खुपसून निर्घृण हत्या केल्याचं पोस्टमार्टम अहवालात स्पष्ट झालं आहे. पूर्वोत्तर फ्लोरिडातील जंगलात 13 वर्षांच्या चिअरलीडरचा मृतदेह सापडला होता. (14 year old boy killed 13 year old girl in Florida stabbed 114 times to death)

आजन्म कारावास होण्याची शक्यता

सेंट जॉन्स काउंटीतील स्टेट अॅटर्नी कार्यालयाने गुरुवारी ग्रँड ज्युरीच्या माध्यमातून एडन फूसी याला प्रथम श्रेणी हत्येच्या (first-degree murder) आरोपाखाली आरोपी घोषित केले आहे. सोबतच एडन फूसी प्रकरण ज्युवेनाईल कोर्टाऐवजी प्रौढ कोर्टात शिफ्ट करण्याची नोटीस देण्यात आली आहे. आरोपी एडन फूसीला आजन्म कारावास होण्याची शक्यता वर्तवली जात आहे.

हत्येचा कट रचत असल्याचे आरोपीचे सूतोवाच

एडन फूसी प्रकरण प्रौढ कोर्टात नेण्याचा निर्णय योग्य तर आहेच, मात्र तो एकमेव पर्याय आहे, असं फ्लोरिडाचे अॅटर्नी आरजे लारिजा यांनी सांगितलं. बेलीच्या पोटात 114 वेळा चाकू खुपसून तिची हत्या करण्यात आली होती. फूसीने आपल्या अनेक मित्रांना आपण कोणाची तरी हत्या करण्याचा कट रचल्याचं सांगितलं होतं. मात्र तो बेलीला ठार मारणार असल्याचं स्पष्ट नव्हतं.

बेलीचा मृतदेह जंगलात सापडला

जॅक्सनविलेतील दक्षिणेला डर्बिन क्रॉसिंग समुदायाच्या सामुदायिक केंद्रात बेली 9 मे रोजी अखेरची दिसली होती. सेंट जॉन्स काउंटी शेरिफ कार्यालयात बेलीच्या आई-वडिलांनी आपली मुलगी बेपत्ता असल्याची तक्रार दिली होती. त्यानंतर एका शेजाऱ्याला बेलीचा मृतदेह जंगलात सापडला होता. त्याच्या दुसऱ्याच दिवशी फूसीला हत्येच्या आरोपाखाली अटक करण्यात आली होती.

सीसीटीव्ही फूटेजमध्ये बेली-फूसी एकत्र

बेलीचा मृतदेह फूसीच्या घराजवळ सापडला होता. तपासकर्त्यांना जवळच्या तलावात एक चाकू सापडला होता. याच चाकूने तिची हत्या झाल्याचा प्राथमिक अंदाज आहे. सीसीटीव्ही फूटेजमध्ये 9 मे रोजी बेली आणि फूसी यांना अखेरचं एकत्र पाहिलं गेलं होतं.

संबंधित बातम्या :

दिरासोबत राहण्यासाठी आधी पतीची हत्या, आता वहिनीने त्याच दिराचाही जीव घेतला

पत्ता विचारण्याच्या बहाण्याने महिलेशी अश्लील चाळे, इंजिनिअरिंग विद्यार्थ्याला अटक

(14 year old boy killed 13 year old girl in Florida stabbed 114 times to death)