Report on Nuclear Bomb : पाकिस्तानकडे भारतापेक्षाही जास्त अणुबॉम्ब, कोणत्या देशाकडे किती अण्वस्त्र?

| Updated on: Mar 27, 2021 | 4:38 PM

सध्या जगभरात अणुयुद्धाचा धोका वाढलाय. याआधीच्या दोन्ही जागतिक युद्धामध्ये झालेल्या नुकसानाचे तपशील पाहिले तर पुढील महायुद्धात पृथ्वीवरील जीवनच संकटात येईल की काय अशी परिस्थिती तयार झालीय.

Report on Nuclear Bomb : पाकिस्तानकडे भारतापेक्षाही जास्त अणुबॉम्ब, कोणत्या देशाकडे किती अण्वस्त्र?
Follow us on

वॉशिंग्टन : सध्या जगभरात अणुयुद्धाचा धोका वाढलाय. याआधीच्या दोन्ही जागतिक युद्धामध्ये झालेल्या नुकसानाचे तपशील पाहिले तर पुढील महायुद्धात पृथ्वीवरील जीवनच संकटात येईल की काय अशी परिस्थिती तयार झालीय. त्यातच आता जगभरातील अण्वस्त्रांवर लक्ष ठेऊन असलेल्या फेडरेशन ऑफ अमेरिकन सायंटिस्ट (FAS) या संस्थेने एक अहवाल प्रकाशित केलाय. त्यात कोणत्या देशाकडे किती अण्वस्त्र आहेत याची माहिती देण्यात आलीय. विशेष म्हणजे या नव्या आकडेवारीनुसार पाकिस्तानकडे भारतापेक्षा अधिक अण्वस्त्र असल्याचं समोर आलंय (FAS report on Nuclear bomb statistics in world India Pakistan Russia America North Korea).

मागील काही दिवसांमध्ये ब्रिटेनने अचानक आपल्या अण्वस्त्रांची (Nuclear Warheads) संख्या वाढवण्यास सुरुवात केल्याची चर्चा होती. मात्र, आता जगभरातील अण्वस्त्रांचीच (Nuclear Bomb) आकडेवारी समोर आलीय. या आकडेवारीनुसार रशिया पहिल्या क्रमांकावर असून त्यांच्याकडे जगातील सर्वाधिक अण्वस्त्र आहेत. दुसऱ्या क्रमाकांवर अमेरिका, तिसऱ्या क्रमांकावर चीन, चौथ्या क्रमांकावर फ्रान्स, पाचव्या क्रमांकावर ब्रिटन, सहाव्या क्रमाकांवर पाकिस्तान आणि सातव्या क्रमाकांवर भारत आहे.

सद्यस्थितीत रशियाकडे एकूण 6,257 अणु बॉम्ब आहेत. यातील 1600 अणुबॉम्ब तैनात करण्यात आले आहेत, तर 4,497 बॉम्ब रिझर्व्ह म्हणून ठेवण्यात आलेत. याशिवाय रशियाचे 1700 अणुबॉम्बची कालमर्यादा संपली (रिटायर्ड) आहे. अमेरिका या यादीत दुसऱ्या क्रमांकावर आहे. अमेरिकेकडे सध्या एकूण 5,550 अणू बॉम्ब आहेत. यातील 1800 बॉम्ब तैनात करण्यात आले आहेत आणि 3800 अणुबॉम्ब रिझर्व्ह ठेवण्यात आलेत. उरलेले 1750 बॉम्ब रिटायर्ड झाले आहेत.

चीनने लपूनछपून अण्वस्त्र गोळा केले असल्याचा संशय

सीमेवर नेहमीच युद्धाची भाषा करणारा चीन अण्वस्त्रांच्या यादीत तिसऱ्या क्रमांकावर आहे. चीनकडे सध्या 350 अणुबॉम्ब असल्याचं सांगितलं जातंय. मात्र, चीनच्या या आकडेवारीवर संशय व्यक्त केला जातोय. तसेच चीनने लपून छपून अण्वस्त्र जमा केले असल्याचा अंदाज वर्तवण्यात येतो.

पाकिस्तानकडे भारतापेक्षा किती अण्वस्त्र जास्त?

चौथ्या क्रमांकावरील फ्रान्सकडे सध्या 290, पाचव्या क्रमांकावरील ब्रिटेनकडे 195 अण्वस्त्र आहेत. यानंतर नंबर लागतो तो पाकिस्तानचा. पाकिस्तानकडे सध्या एकूण 165 अणुबॉम्ब आहेत. दुसरीकडे सातव्या क्रमांकावरील भारताकडे एकूण 160 अणुबॉम्ब आहेत. अशाप्रकारे पाकिस्तानकडे भारताच्या तुलनेत एकूण 5 अणुबॉम्ब अधिक आहेत.

अमेरिकेला धमकी देणाऱ्या उत्तर कोरियाकडे किती अण्वस्त्र?

भारतानंतर इस्राईलचा नंबर लागतो इस्राईलकडे एकूण 90 अणुबॉम्ब आहेत. आक्रमक भूमिकेसाठी प्रसिद्ध असलेल्या आणि अगदी अमेरिकेलाही आपल्या अण्वस्त्राची भीती दाखवणाऱ्या उत्तर कोरियाकडे एकूण 40 अणुबॉम्ब आहेत.

जगभरात 1985 ते 1990 या काळात सर्वाधिक अणुबॉम्ब तयार झाले. मात्र, नंतरच्या मागील 30 वर्षांमध्ये अणुबॉम्बची संख्या कमी होत गेली. कारण रशिया आणि अमेरिकेने आपले रिटायर्ड अणुबॉम्ब नष्ट केले आहेत. 1986 मध्ये एकूण अणुबॉम्बची संख्या 70,300 होती. आता हीच संख्या 2021 मध्ये कमी होऊन 13,100 पर्यंत आलीय. असं असलं तरी सैन्याची हत्यारं मात्र मोठ्या प्रमाणात जमा केली जात आहेत.

हेही वाचा :

Special Story | जगाला हादरवणारा अणू बॉम्ब 7200 फुटांवरुन कोसळला आणि गायब झाला, 63 वर्षांनंतर अद्यापही रहस्य गुलदस्त्यात

पाकिस्ताननेही अणुबॉम्ब ईदसाठी ठेवलेले नाहीत : मेहबुबा मुफ्ती

व्हिडीओ पाहा :

FAS report on Nuclear bomb statistics in world India Pakistan Russia America North Korea