एकमेव देश जिथे हाई हील्सवर आहे बंदी, घातल्यास होते मोठी शिक्षा, भरावा लागतो 80 हजार रुपये दंड
जगातील एकमेव देश जिथे हाई हील्सवर आहे बंदी. जरी कोणी घातल्यास होते मोठी शिक्षा आणि भरावा लागतो 80 हजार रुपये दंड. कारण काय?
जगभरात असे काही देश आहेत जिथे कोणत्या ना कोणत्या गोष्टींवर बंधन घातलेले असते. असाच एक देश जिथे तुम्हाला हाई हील्सवर बंदी घालण्यात आली आहे. काय आहे यामागील कारण? जाणून घेऊया.
हा दुसरा तिसरा कोणता देश नसून तो ग्रीस आहे. ग्रीस सरकारने वारसा संवर्धनाच्या उपाययोजनेचा भाग म्हणून 2009 मध्ये हा नियम अधिकृतपणे लागू केला. दरवर्षी लाखो पर्यटक प्राचीन स्मारकांना भेट देतात.
अधिकाऱ्यांच्या मते, लहान पण वारंवार होणारा भौतिक ताणही शेकडो वर्षे जुने नाजूक दगडी बांधकाम दीर्घकाळात गंभीररीत्या नुकसान करू शकतो. त्यामुळे काही अतिप्रसिद्ध ऐतिहासिक स्थळांवर हा नियम लागू केला आहे.
त्यामध्ये खालील ठिकाणांचा समावेश होतो, एथेंसचा अक्रॉपलीस, पार्थेनॉन, डायोनिससचे थिएटर, हेरोडस ऍटिकसचे ओडियन या सर्व ठिकाणी प्राचीन संगमरवरी मार्बल आणि दगडी फरशी आहे जी दाब आणि घर्षणासाठी अतिशय संवेदनशील मानली जाते.
वैज्ञानिक आणि पुरातत्त्वतज्ज्ञांच्या मते, हाय हिल्समुळे शरीराचे संपूर्ण वजन अगदी लहान भागावर केंद्रित होते. हा पॉइंट प्रेशर शतकांपूर्वीच्या संगमरवरी दगडांमध्ये सूक्ष्म भेगा निर्माण करू शकतो. सुरुवातीला हे नुकसान दिसत नसले तरी दीर्घकाळात ते गंभीर रूप धारण करू शकते.
या नियमाचे उल्लंघन केल्यास पर्यटकांवर 900 युरोपर्यंत दंड ठोठावला जाऊ शकतो. भारतीय चलनात ही रक्कम सुमारे 80 हजार रुपयांपर्यंत जाते. वारसा जपण्याच्या गांभीर्यामुळेच इतका मोठा दंड ठेवण्यात आला आहे.
