समुद्रात झाला भारताविरोधात मोठा खेळ, भारताच्या दिशेने निघालेल्या इराणी तेलवाहू जहाजाचा यू-टर्न, थेट चीनच्या..

इराण आणि अमेरिका युद्ध भडकले आहे. या युद्धात जग वेगळ्या संकटात सापडले आहे. ऊर्जेचे मोठे संकट आहे. होर्मुज खाडी इराणकडून बंद करण्यात आली. ऊर्जेचे संकट कमी करण्याकरिता अमेरिकेने रशिया आणि इराणच्या तेलावरील निर्बंध हटवण्याचा निर्णय घेतला. अनेक वर्षांपासून अमेरिकेने इराणच्या तेलावर काही निर्बंध लादले. या युद्धाच्या स्थितीत त्यांनी निर्बंध हटवण्याचा निर्णय घेतला. इराण आणि अमेरिका युद्ध एका घातक टप्प्यात पोहोचले आहे. भारत तब्बल 7 वर्षानंतर इराणकडून तेल खरेदी करत आहे. अमेरिकेने लादलेल्या निर्बधामुळे भारताने इराणकडून तेल खरेदी थांबवली होती. मात्र, नुकताच समुद्रात धक्कादायक घटना घडली. हा घटनेने खळबळ उडाली. इराणहून भारताकडे तेल घेऊन निघालेले जहाज अचानक समुद्रात फिरवण्यात आले. या जहाजाने चीनच्या दिशेने मोठा युटर्न घेतला. या इराणी जहाजाने अचानकपणे रस्ता बदलल्याने खळबळ उडाली. सात वर्षाने इराणहून भारतात तेलवाहू जहाज दाखल होत असताना हा घटना घडली.

इराणी तेलवाहू जहाज जर भारतात पोहोचले असते तर सात वर्षांमध्ये पहिल्याच इराणी जहाज भारतात दाखल झाले असते. जहाज ट्रॅकिंग फर्म केप्लरच्या माहितीनुसार, तेल वाहून नेणाऱ्या इराणी जहाजाचे नाव पिंग शुन आहे. हे जहाज इराणहून भारताच्या दिशेने तेल घेऊन निघाले होते. सर्वकाही व्यवस्थित होते. हे जहाज अफ्रामॅक्स 2002 मध्ये निर्मित केले.

भारताच्या दिशेने निघालेले हे जहाज चीनच्या डोंगयिंगच्या दिशेने अचानकपणे वळवण्यात आले. याच आठवड्यात हे जहाज भारताच्या पश्चिम किनाऱ्यापट्टीवरील वादिनार येथे येणार होते. पेमेंट, वाहतूक आणि विमा यांच्याशी संबंधित काही समस्या असल्यामुळे हे जहाज भारतात न दाखल होता थेट चीनकडे रवाना करण्यात आल्याची माहिती मिळत आहे.

भारतात सध्या एलपीजी गॅसच्या तुटवडा आहे. भारत कोणत्याही पद्धतीने कच्चे ते आणि एलपीजी गॅस कसा दाखल होईल, याकरिता प्रयत्न करत आहे. यादरम्यान रशियाप्रमाणेच भारताच्या मदतीला इराणही धावून आल्याचे बघायला मिळाले. मात्र, काही तांत्रिक गोष्टीमुळे इराणहून भारताच्या दिशेने निघालेल्या जहाजाचा अचानक मार्ग बदलण्यात आला.