Russia Ukraine War Live : युक्रेनमधील भारतीय दूतावास पोलंडमध्ये हलविणार; भारत सरकारचा निर्णय

युक्रेनियन सीमा ओलांडून पोलंडमध्ये गेलेले नागरिक आता थेट थेट इटलीला जाण्यासाठी रांगा लावत आहेत, अशीच एक बस 50  युक्रेनियन नागरिकांना घेऊन जाणारी बस उलटून अपघात झाला. यामध्ये एक ठार झाला आहे.

रशिया आणि युक्रेनमध्ये सुरु असलेल्या युद्धात विदेशी नागरिकांना युक्रेनकडूनच मारण्याता आल्याचा रशियाचा आरोप.

रशियाने युक्रेनवर केलेल्या आक्रमणाच्या पार्श्वभूमीवर तुर्कीचे अध्यक्ष रेसेप तय्यप एर्दोगान आणि ग्रीसचे पंतप्रधान किरियाकोस मित्सोटाकिस यांनी रविवारी इस्तंबूल येथे चर्चा केली, शेजारील नाटो सदस्यांमध्ये सामंजस्यपणावर चर्चा करण्यात आली.

रशियाकडून युक्रेनवर झालेल्या हल्ल्यात आतापर्यंत 2,100 हून अधिक नागरिकांचा मृत्यू झाला आहे. हल्ल्यात मृत्यूमखी पडलेले नागरिक हे मारियुपोल येथील रहिवासी असल्याचे तेथील लोकप्रतिनिधींनी सांगितले.

रशियाकडून युक्रेनवर झालेल्या हल्ल्यानंतर युक्रेनमधून पलायन करणाऱ्या निर्वासितांची संख्या  2.7 दशलक्ष झाली आहे. निर्वासित होणाऱ्या नागरिकांचा हा आकडा रविवारी संयुक्त राष्ट्र संघाने जाहीर केला आहे.

रशियाकडून होत असलेले हल्ल्यांमुळे होणारा संहार थांबला पाहिजे असे मत पोप फ्रान्सिस यांनी व्यक्त केले आहे. सेंट पीटर स्क्वेअरमध्ये हजारों लोकांसमोर बोलताना त्यांनी रशियाचा जाहीर निषेध व्यक्त केला.

युक्रेनची राजधानी कीवमधील वायव्य उपनगरातील इरपिनमध्ये रविवारी एका अमेरिकन पत्रकाराची गोळ्या झाडून हत्या करण्यात आली तर दुसरा एक जण जखमी झाला असल्याचे सांगण्यात आले. युक्रेनियन सैन्य अधिकार्‍यांनी या गोळीबारासाठी रशियन सैनिकांना दोषी ठरवले आहे. एएफपी वृत्तसंस्थेकडून सांगण्यात आले की, या परिसरात सतत गोळीबार आणि क्षेपणास्त्रांचा मारा करण्यात येत आहे.

युक्रेनमध्ये अमेरिकन पत्रकाराची गोळ्या झाडून हत्या करण्यात आल्याची घटना घडली आहे. पत्रकाराला गोळ्या झाडल्याची घटना एका डॉक्टरसमोर घडली आहे असे एएफपी न्यूज एजन्सीकडून सांगण्यात आले आहे.

रशिया युक्रेन या दोन देशातील युद्धामुळे इतर देशातून युक्रेनमध्ये गेलेल्या नागरिकांचे प्रचंड हाल होत आहे. अठराव्या दिवशीही रशियाकडू हल्ले सुरुच असून त्या हल्ल्यात प्रचंड मोठी जीवितहानी झाली आहे. रविवारी ईशान्य युक्रेनमधील नायजेरियातील 300 नागरिक मायदेशी परतले असल्याची माहिती नायजेरियन सरकारने सांगितले.

रशिया आणि युक्रेनमध्ये सुरू असलेल्या युद्धाला आता 18 दिवस उलटून गेले आहेत. त्यामुळे युक्रेनमधील परिस्थिती गंभीर होत आहे. या युद्धात दोन्ही देशांमधील एकही देश माघार घेण्यास तयार नाही. त्यामुळे सुरक्षिततेच्या दृष्टीकोनातून युक्रेनच्या पश्चिम भागातील भारतीय दूतावास तात्पुरत्या काळासाठी रशियातून पोलंडमध्ये हलवण्याचा निर्णय भारत सरकारने घेतला आहे.

युक्रेनमधील पश्चिम लष्करी तळावर झालेल्या हल्ल्यात 35 नागरिकांचा मृत्यू झाला आहे. याबाबतची माहिती युक्रेनच्या ल्विव्ह प्रदेशाचे गव्हर्नर सांगितले आहे.

रशियन सैन्याने शनिवारी रात्री युक्रेनमधील मारियुपोलवर क्षेपणास्त्रांचा जोरदार हल्ला केला, या हल्ल्यात अनेक नागरिकांचा मृत्यू झाला आहे. यावेळी युक्रेनची राजधानी कीव जवळच्या अनेक शहरांवरही रशियन सैनिकांकडून हल्ले करण्यात आले आहेत. या हल्ल्यात मारियुपोलमधील 1,500 हून अधिक लोक मृत्यूमुखी पडले आहेत. गोळीबार सुरु असल्यामुळे मृत नागरिकांवर दफन करताना व्यत्यय येत आहे.

रशिया आणि युक्रेनमध्ये युद्ध सुरूच आहे. आज या युद्धाचा आठरावा दिवस आहे. याचदरम्यान आज रशियन सैनिकांनी युक्रेनमधल्या खेरसन प्रातांचा ताबा घेतला असल्याची माहिती समोर येत आहे.

मेलिटोपोलच्या महापौरांचे रशियाने अपहरण केल्याचा आरोप युक्रेनने केला आहे. मेलिटोपोलच्या महापौरांच्या सुटकेसाठी मदत करावी असे आवाहन युक्रेनने इस्रायल आणि जर्मनिला केले होते. दरम्यान आता महापौरांच्या सुटकेसाठी इस्रायल युक्रेनला मदत करणार असल्याचे समोर येत आहे.

रशिया, युक्रेन युद्धाच्या पार्श्वभूमीवर अमेरिकेकडून युक्रेनला मदत करण्यात येत आहे. आता अमेरिकेकडून युक्रेनला शस्त्रे खरेदीसाठी 200 अब्ज डॉलरची अतिरिक्त मदत करण्यात येणार आहे.

युक्रेनमध्ये अडकलेल्या 13,000 परदेशी नागरिकांचे शनिवारी युक्रेनमधून स्थलांतर युक्रेनच्या उपपंतप्रधानांची माहिती