शी जिनपिंग यांच्यासमोर डोनाल्ड ट्रम्पचं सैन्य झुकलं, थेट गुडघ्यावर बसून…, अमेरिकेत संताप, Video
चीनचे राष्ट्रपती शी जिनपिंग हे सध्या अमेरिकेच्या दौऱ्यावर आहेत. त्याचवेळी एक व्हिडीओ व्हायरल झाला असून, या व्हिडीओमुळे अमेरिकेत मोठी खळबळ उडाली आहे. अमेरिकन नागरिकांनी संताप व्यक्त केला आहे.
चीनचे राष्ट्रपती शी जिनपिंग हे सध्या अमेरिकेच्या दौऱ्यावर आहेत. त्यांचा एक व्हिडीओ सध्या सोशल मीडियावर चांगलाच व्हायरल झाला आहे. या व्हिडीओमध्ये वर्दी घातलेले अमेरिकेचे सैनिक गुडघ्यावर बसून चीनच्या राष्ट्राध्यक्षांसाठी टाकलेल्या रेड कार्पेटला व्यवस्थित करताना दिसत आहेत. ही घटना जॉइंट बेस एड्रयूज येथील आहे. जिथे शी जिनपिंग यांचं विमान लँड झालं. जॉइंट बेस एड्रयूज हे एक अमेरिकेन सैन्याचं प्रमुख विमानतळ आहे. हे विमानतळ प्रिंन्स जॉर्ज काउंटीमध्ये स्थित आहे. हे विमानतळ अमेरिकेची राजधानी वाशिंग्टनपासून 10 मैल दक्षिण पूर्वेला आहे.
काय आहे व्हायरल व्हिडीओमध्ये?
हा एक बारा सेकंदाचा व्हिडीओ आहे. सोशल मीडियावर हा व्हिडीओ चांगलाच व्हायरल झाला आहे. ज्यामध्ये चीनेच राष्ट्राध्यक्ष शी जिनपिंग हे आपल्या विमानातून बाहेर पडण्यापूर्वी अमेरिकेचे अनेक सैनिक गुडघ्यावर बसून हाताने शी जिनपिंग यांच्यासाठी टाकलेलं रेड कार्पेट साफ करताना दिसत आहेत. शी जिनपिंग यांच्या स्वागतासाठी अमेरिकेनं 98 फूट लांबीचं रेड कार्पेट अंथरलं होतं. त्याचवेळी चीनचे परराष्ट्र मंत्री वांग यी आणि मंत्रालयाचे प्रोटोकॉल प्रमुख हांग लेई यांच्यासह चीनी अधिकारी विमानाच्या खिडकीमधून अमेरिकेच्या सैन्याला पहात असल्याचं दिसून येत आहे. मात्र हा व्हिडीओ व्हायरल होताच या व्हिडीओवरून अमेरिकन नागरिकांनी चांगलीच नाराजी व्यक्त केली आहे. अनेकांनी या व्हिडीओवर संतप्त प्रतिक्रिया दिल्याचं पहायला मिळत आहे.
Chinese watched U.S. military personnel on their hands and knees adjusting and smoothing out a red carpet just before Xi’s arrival😳😤 pic.twitter.com/KRy2h2B6mh
— El Profesor Garlic 🧄🤖⚡️🚘🔋📡🛰️🇺🇸🚀🟠 (@teshen8lin) September 24, 2026
डोनाल्ड ट्रम्प यांनी मोडली अमेरिकेची परंपरा
अमेरिकेचे राष्ट्रपती डोनाल्ड ट्र्म्प यांनी चीनचे राष्ट्रपती शी जिनपिंग यांच्यासाठी राष्ट्राध्यक्षांची परंपरा देखील मोडली आहे. आपल्या देशात आलेल्या एखाद्या पाहुण्याचं स्वागत करण्यासाठी अमेरिकेचे राष्ट्रपती हे 1962 नंतर पहिल्यांदाच विमानाजवळ पोहोचले आहेत. 1962 साली अमेरिकेचे राष्ट्रपती जॉन एफ कॅनडी यांनी याच पद्धतीने ब्रिटनचे पंतप्रधान हेरोल्ड मॅकमिलन यांचं स्वागत केलं होतं. यावेळी डोनाल्ड ट्रम्प यांच्यासोबत त्यांची पत्नी आणि अमेरिकेची प्रथम महिला मेलानिया ट्रम्प या देखील होत्या. दोघांनी विमानाच्या पायऱ्याजवळ उभा राहून शी जिनपिंग यांचं स्वागत केलं. शी जिनपिंग यांच्या स्वागतावेळी दोन बी-1 बॉम्ब वर्षाव करणारे विमानं, सहा एफ-16 आणि सहा 1962 लढाऊ विमानांनी उड्डाण केलं. अमेरिकेमध्ये शी जिनपिंग यांचं अत्यंत जंगी स्वागत करण्यात आलं. तसेच त्यांना यावेळी 21 तोफांची सलामी देखील देण्यात आली.
