कोणत्या देशात रस्ते नाहीत? वाहतुकीसाठी विमान, हेलिकॉप्टरचा केला जातो वापर, नाव काय?
जगात असा कोणता देश आहे जिथे रस्तेच नाहीत? वाहतुकीसाठी केला जातो विमान, हेलिकॉप्टर यांचा वापर. 99 टक्के लोकांना माहिती नाही या देशाचं नाव.
जगातील अनेक देश त्यांच्या वेगवेगळ्या वैशिष्ट्यांमुळे ओळखले जातात. मात्र, ग्रीनलँड हा असा प्रदेश आहे, जिथे बहुतांश वस्ती असलेल्या ठिकाणांना एकमेकांशी जोडणारे रस्ते नाहीत.
बर्फाच्छादित प्रदेश, उंच पर्वत आणि विशाल हिमनद्यांमुळे येथील वाहतूक व्यवस्था इतर देशांपेक्षा वेगळी आहे. ग्रीनलँड हा जगातील सर्वात मोठा बेटप्रदेश असून तो डेन्मार्कच्या राज्यांतर्गत स्वायत्त प्रदेश आहे.
येथील सुमारे 80 टक्के भूभाग बर्फाच्या आवरणाखाली आहे. अत्यंत थंड हवामान, हिमनद्या, डोंगराळ भाग आणि दूरवर विखुरलेली छोटी शहरे यामुळे मोठ्या प्रमाणावर रस्ते बांधणे कठीण आणि खर्चिक ठरते.
मात्र, ग्रीनलँडमध्ये अजिबात रस्ते नाहीत असे म्हणणे चुकीचे ठरेल. येथील शहरे आणि वस्त्यांमध्ये स्थानिक रस्ते आहेत. परंतु एका शहरातून दुसऱ्या शहरात जाण्यासाठी जोडणारे रस्त्यांचे जाळे उपलब्ध नाही.
ग्रीनलँडमध्ये भौगोलिक परिस्थितीनुसार वाहतुकीची विविध साधने वापरली जातात. विमान, हेलिकॉप्टर, नौका, बोटी, स्नोमोबाइलचा वापर केला जातो. येथील शहरांमध्ये रस्ते आहेत; मात्र शहरांना एकमेकांशी जोडणारे रस्ते नसल्यामुळे विमान, बोटी आणि बर्फावरील वाहनांवर वाहतूक मोठ्या प्रमाणात अवलंबून आहे.
