Marathi News Latest news Corona death india 38 year old man corona positive who has passed away at aiims in patna

Corona Death India | देशात ‘कोरोना’चा सहावा बळी, पाटणामध्ये एकाचा मृत्यू

बिहारमधील पाटणामध्ये एका 38 वर्षीय तरुणाचा (Corona Death India) एम्स रुग्णालयात मृत्यू झाला आहे.

Namrata Patil | Updated on: Mar 22, 2020 | 1:04 PM

पाटणा : देशातील कोरोनाबाधित मृतांचा आकडा 6 वर पोहोचला (Corona Death India) आहे. आज (22 मार्च) बिहारमधील पाटणामध्ये एका कोरोनाग्रस्त रुग्णाचा मृत्यू झाला आहे. यापूर्वी महाराष्ट्रात 2, कर्नाटक, दिल्ली, पंजाबमध्ये प्रत्येक एका रुग्णाचा कोरोनामुळे मृत्यू झाला होता. एएनआय या वृत्तसंस्थेने याबाबतची माहिती दिली आहे.

एएनआयने दिलेल्या माहितीनुसार, बिहारमधील पाटणामध्ये एका 38 वर्षीय तरुणाचा (Corona Death India) एम्स रुग्णालयात मृत्यू झाला आहे. हा तरुण कतारमधून बिहारमध्ये आला होता. त्याला कोरोनाची लागण झाली होती.

एम्समधील डॉ. प्रभात कुमार सिंह यांनी दिलेल्या माहितीनुसार, काल (21 मार्च) पाटणामधील एम्स रुग्णालयात एका तरुणाचा किडनी फेलमुळे मृत्यू झाला. हा मृत तरुण कोरोनाबाधित होता. तो पाटणामधील मंगर गावात राहणार आहे. दोन दिवसांपूर्वी तो कोलाकातामधून त्याच्या गावी परतला होता.

तर दुसरीकडे आज महाराष्ट्रात कोरोनाग्रस्त रुग्णाचा मृत्यू झाला आहे. मुंबईत 63 वर्षीय कोरोनाबाधित रुग्णाचा एका खासगी रुग्णालयात मृत्यू झाला. हा रुग्ण पंधरा दिवसांपूर्वी सुरतमधून आला होता. त्याला 19 मार्च रोजी मुंबईतील एच. एन. रिलायन्स हॉस्पिटलमध्ये दाखल करण्यात आलं होतं. मात्र, आज उपचारादरम्यानच रुग्णाचा मृत्यू झाला.

कोरोनामुळे याअगोदर 17 मार्च रोजी मुंबईच्या कस्तुरबा रुग्णालयात 64 वर्षीय रुग्णाचा मृत्यू झाला होता. त्यानंतर पाच दिवसांनी मुंबईतच दुसऱ्या कोरोनाबाधित रुग्णाचा मृत्यू झाला (Corona Death India) आहे.

महाराष्ट्रात कुठे किती कोरोनाबाधित रुग्ण?

कोरोनाचे कुठे किती रुग्ण?