Maharashtra Corona Update | राज्यात दिवसभरात तब्बल 3,254 नव्या कोरोनाग्रस्तांची भर, आकडा 94 हजारांच्या पार

मुंबई : राज्यात आज (10 जून) तब्बल 3 हजार 254 नवीन (COVID-19 Patient Update) कोरोना रुग्णांची नोंद झाली आहे. लॉकडाऊनचे नियम शिथिल केल्यानंतर कोरोना रुग्ण वाढीचा हा सर्वाधिक आकडा आहे. त्यामुळे सध्या राज्यातील कोरोनाबाधितांची संख्या ही 94 हजार 41 वर पोहोचली आहे. यापैकी 44 हजार 517 रुग्ण आतापर्यंत कोरोनामुक्त झाले आहेत. सध्या राज्यात 46 हजार 74 रुग्णांवर उपचार सुरु आहेत, अशी माहिती आरोग्यमंत्री राजेश टोपे (COVID-19 Patient Update) यांनी दिली.

राज्यातील कोरोनाबळींची संख्या 3,438 वर

राज्यात आज दिवसभरात 149 कोरोनाबाधित रुग्णांच्या मृत्यूची नोंद झाली आहे. त्यामुळे आता कोरोनाबाधितांच्या मृत्यूंची संख्या 3 हजार 438 वर पोहोचली आहे. तर आज दिवसभरात 1 हजार 879 रुग्ण कोरोनातून बरे झाले आहेत.

5,69,145 जण होम क्वारंटाईनमध्ये

राज्यातील कोरोनाबाधितांच्या बरे होण्याचा दर आता 47.34 टक्क्यांवर आला आहे. तर राज्याचा मृत्यूदर सध्या 3.65 टक्के इतका आहे. राज्यात 5 लाख 69 हजार 145 लोक होम क्वारंटाईनमध्ये आहेत. तर, सध्या 27 हजार 228 लोक संस्थात्मक क्वारंटाईनमध्ये आहेत.

COVID-19 Patient Update

आज कुठे किती मृत्यू?

• मुंबई – 97
• ठाणे – 15
• नवी मुंबई – 5
• उल्हासनगर – 3
• वसई-विरार – 2
• जळगाव – 5
• पुणे – 10
• औरंगाबाद – 7
• बीड – 1
• अकोला – 2
• अमरावती – 1
• गडचिरोली – 1

मुंबईत कोरोनाचे 1,567 नवे रुग्ण

मुंबईत आज कोरोनाचे 1,567 नवीन रुग्ण आढळून आले आहेत. तर आज दिवसभरात 97 जणांचा कोरोनाने मृत्यू झाला आहे. सध्या मुंबईत कोरोनाबाधित रुग्णांची संख्या 52 हजार 667 वर पोहोचली आहे. तर आतापर्यंत कोरोनामुळे 1,857 जणांचा मृत्यू झाला आहे. तर 23 हजार 94694 जण कोरोनामुक्त झाले आहेत.

कोरोनाची अद्ययावत आकडेवारी :

COVID-19 Patient Update

संबंधित बातम्या :

कोरोनाबाधित 82 वर्षीय आजीचा मृतदेह 8 दिवस बाथरुममध्ये, जळगाव रुग्णालयातील धक्कादायक प्रकार

Monsoon Session | विधीमंडळाचे पावसाळी अधिवेशन महिनाभर लांबणीवर : मुख्यमंत्री उद्धव ठाकरे