‘कुछ कुछ होता है’ फेम परझान दस्तुर विवाहबंधनात अडकणार

| Updated on: Oct 26, 2020 | 11:12 AM

अभिनेता परझान दस्तुरने गर्लफ्रेंड देल्ना श्रॉफला प्रपोज केल्यानंतर तिने होकार दिला. या क्षणाचा फोटो त्याने इन्स्टाग्रामवर पोस्ट केला आहे

कुछ कुछ होता है फेम परझान दस्तुर विवाहबंधनात अडकणार
Follow us on

मुंबई : ‘तुस्सी जा रहे हो… तुस्सी ना जाओ’ या ‘कुछ कुछ होता है’ चित्रपटातील एका डायलॉगमधून लोकप्रिय झालेला चिमुरडा लवकरच लग्नाच्या बेडीत अडकणार आहे. अभिनेता परझान दस्तुर पुढच्या वर्षी विवाहबंधनात अडकणार आहे. गर्लफ्रेंड देल्ना श्रॉफसोबत त्याचं लग्न ठरलं आहे. (Kuch Kuch Hota Hai’s cute little sardaar Parzaan Dastur to get married in February 2021)

‘कुछ कुछ होता है’ चित्रपटात समर कॅम्पमध्ये दिसलेला चिमुकला सरदार आजही अनेकांच्या लक्षात आहे. परझान दस्तुर त्यानंतर अनेक जाहिराती, मालिका, सिनेमे केले, मात्र त्याची आठवणीतली भूमिका ‘कुछ कुछ होता है’ चित्रपटातीलच राहिली.

गर्लफ्रेंड देल्ना श्रॉफला प्रपोज केल्यानंतर तिने होकार दिला. या क्षणाचा फोटो परझानने इन्स्टाग्रामवर पोस्ट केला आहे. बीचवर गुडघे टेकून बसलेला परझान आणि त्याच्याकडे प्रेमाने पाहणाऱ्या देल्नाला पाहून चाहतेही आनंदी झाले.

परझानने 2009 मध्ये पहिल्यांदाच चित्रपटात मुख्य भूमिका साकारली. फूटबॉलपटू होण्याची महत्त्वाकांक्षा असलेल्या युवकाचे आयुष्य बंदूक सापडल्यानंतर कसे उलथपालथ होते, हे कथानक असलेल्या ‘सिकंदर’मध्ये तो झळकला. तर मधू या सिनेमातही त्याने मुख्य व्यक्तिरेखा साकारली होती.

‘हम तुम’ या सैफ अली खान-राणी मुखर्जीच्या चित्रपटात परझान ‘हम’ या कार्टून कॅरेक्टरचा आवाज झाला होता. परझानने पॉकेट मम्मी या शॉर्टफिल्मची निर्मितीही केली.

संबंधित बातम्या :

‘कुछ कुछ होता है’मधील ‘हा’ चिमुकला सध्या काय करतो?

ज्येष्ठ विधिज्ज्ञ हरिश साळवे विवाहबंधानात, 65 व्या वर्षी पुन्हा लग्नाची बेडी

(Kuch Kuch Hota Hai’s cute little sardaar Parzaan Dastur to get married in February 2021)