Skin Care : चमकदार त्वचेसाठी जास्वंद आणि आवळा फेसपॅक फायदेशीर!

फेसपॅक

मुंबई : निरोगी त्वचेसाठी व्हिटॅमिन सी आवश्यक आहे. हे काळे डाग, लालसरपणा आणि सुरकुत्या कमी करण्यास मदत करते. हे त्वचेला मॉइश्चरायझिंग करण्यास मदत करते. व्हिटॅमिन सी तुमच्या त्वचेला पोषक प्रभाव देते. व्हिटॅमिन सीच्या मदतीने तुम्ही काही घरगुती फेसपॅक तयार केले पाहिजेत. ज्यामुळे आपली त्वचा तजेलदार आणि सुंदर दिसण्यास मदत होते. (Beneficial for shoeblackplant and amla face pack skin)

जास्वंद आणि आवळा फेसपॅक तुमच्या त्वचेसाठी फायदेशीर आहे. हे त्वचा निरोगी आणि चमकदार होण्यास मदत करते. जास्वंदची पाने केवळ त्वचेसाठीच नव्हे तर केसांसाठी हेअर पॅक तयार करण्यासाठी वापरली जातात. आवळा मुरुम आणि ब्रेकआउट्सच्या उपचारांमध्ये मदत करतो. आवळा मुरुमांच्या खुणा आणि डाग नैसर्गिक पद्धतीने काढून टाकण्यास मदत करते.

जास्वंद आणि आवळा तुमच्या त्वचेसाठी फायदेशीर

आवळा व्हिटॅमिन सी आणि अँटीऑक्सिडंट्सने समृद्ध आहे. हे वृद्धत्व विरोधी समस्या दूर करते. हे आपली त्वचा घट्ट करण्यास मदत करते. यामुळे त्वचा चमकदार होते. जास्वंद व्हिटॅमिन सी समृद्ध आहे. निस्तेज त्वचेसाठी हे फायदेशीर आहे.

जास्वंदमध्ये AHA देखील असतात. ते मृत त्वचेच्या पेशी आणि घाण काढून टाकण्यास मदत करतात. या फुलामध्ये अँटीऑक्सिडंट्स असतात. जे मुक्त रॅडिकल्सशी लढण्यास मदत करतात. ते तुमच्या त्वचेवरील बारीक रेषा आणि डाग काढण्यास मदत करतात.

जास्वंद आणि आवळा फेसपॅक

हा फेसपॅक बनवण्यासाठी तुम्हाला 1 जास्वंद फुल, 1 टीस्पून मध, 2 टीस्पून आवळा पावडर किंवा 1 आवळा लागेल. हा होममेड पेसपॅक तयार करण्यासाठी जास्वंद फुल रात्रभर पाण्यामध्ये भिजू घाला. यानंतर त्या फुलाची बारीक करून पेस्ट बनवा. त्याचप्रमाणे जर तुमच्याकडे आवळा पावडर नसेल तर आवळा मिक्स करून त्याची पेस्ट बनवा. आता त्या पेस्टमध्ये एक चमचा मध मिक्स करा. ही पेस्ट आपल्या संपूर्ण चेहऱ्यावर लावा. साधारणपणे वीस मिनिटांनी आपला चेहरा थंड पाण्याने धुवा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Beneficial for shoeblackplant and amla face pack skin)