Skin Care : या घटकांसह घरीच नैसर्गिक ब्लीच बनवा आणि उन्हाळ्यातही तजेलदार त्वचा मिळवा!
उन्हाळ्यामध्ये (Summer) सूर्यकिरण आणि प्रदूषणामुळे आपल्या त्वचेची चांगलीच वाट लागते. त्वचा चांगली करण्यासाठी अनेकजण बाहेरील उत्पादने वापरतात. मात्र, त्यामुळे आपली त्वचा (Skin) अधिक खराब होण्याची शक्यता देखील असते. मग अशावेळी आपण घरगुती उपाय नक्कीच करायला हवेत.
मुंबई : उन्हाळ्यामध्ये (Summer) सूर्यकिरण आणि प्रदूषणामुळे आपल्या त्वचेची चांगलीच वाट लागते. त्वचा चांगली करण्यासाठी अनेकजण बाहेरील उत्पादने वापरतात. मात्र, त्यामुळे आपली त्वचा (Skin) अधिक खराब होण्याची शक्यता देखील असते. मग अशावेळी आपण घरगुती उपाय नक्कीच करायला हवेत. कारण घरगुती उपाय केल्याने त्वचा सुंदर होण्यास आणि त्वचेच्या समस्या दूर होण्यास मदत होते. आपण घरगुती साहित्याच्या मदतीने छान ब्लीच घरी तयार करू शकतो. या ब्लीचमुळे (Bleach) त्वचेच्या समस्या दूर होण्यास मदत होते.
मध आणि लिंबू
लिंबूमध्ये असलेले ऍसिड त्वचेवर ब्लीचसारखे काम करते. ब्लीच बनवण्यासाठी एका भांड्यात लिंबाचा रस घ्या आणि त्यात एक चमचा मध घाला. सुमारे 10 मिनिटे चेहऱ्यावर ठेवा आणि नंतर कोमट पाण्याने काढून टाका. आठवड्यातून दोन ते तीन वेळा असे केल्याने तुम्हाला चांगले परिणाम दिसून येतील. मात्र, ब्लीच केल्यानंतर उन्हामध्ये जाणे टाळाच.
मसूर डाळ आणि दूध
तज्ज्ञांच्या मते, मसूरमध्ये आढळणारे पोषक नैसर्गिक ब्लीचचे काम करतात. मसूर डाळीचे ब्लीच घरच्या घरी तयार करण्यासाठी एक वाटी मसूर डाळ घ्या आणि रात्रभर पाण्यामध्ये भिजत ठेवा. त्यानंतर त्याची चांगली पेस्ट तयार करून घ्या. त्यात तीन चमचे दूध घाला. ही पेस्ट चेहऱ्यावर लावून कोरडी होऊ द्या. सामान्य पाण्याने चेहरा धुवा.
दही आणि बेसन
दही आपल्या आरोग्यापासून ते आपल्या त्वचेपर्यंत खूप जास्त फायदेशीर आहे. तसेच बेसन देखील त्वचेच्या अनेक समस्या दूर करण्यासाठी प्रभावी आहे. बेसन आणि दह्याचे ब्लीच आपल्या त्वचेसाठी फायदेशीर आहे. यासाठी दोन चमचे बेसनमध्ये तीन ते चार चमचे दही मिक्स करावे. त्यानंतर याची चांगली पेस्ट तयार करून आपल्या संपूर्ण चेहऱ्यावर लावा. यामुळे त्वचेच्या अनेक समस्या दूर होण्यास मदत होते.
(वरील टिप्स फाॅलो करण्याच्या अगोदर डाॅक्टरांचा सल्ला नक्की घ्या)
संबंधित बातम्या :
Skin Care : उन्हाळ्यात त्वचेची काळजी घेण्यासाठी या कोरियन टिप्स फाॅलो करा आणि सुंदर त्वचा मिळवा!
Skin care : उन्हाळ्याच्या हंगामात त्वचेवरील तेज टिकवण्यासाठी या खास टिप्स फाॅलो करा!
