Pimples on eyebrow : तुमच्याही आयब्रोवर आलेत का पिंपल्स ? असू शकतात ‘ही’ कारणं…
तेलकट त्वचेमुळे, कोंडा आणि थ्रेडिंगमुळे अनेक वेळा भुवया आणि आजूबाजूच्या त्वचेवर पिंपल्स दिसू लागतात. या पिंपल्सपासून सुटका करण्याचे काही सोपे उपाय जाणून घ्या.
नवी दिल्ली : साधारणपणे, चेहऱ्याच्या कोणत्याही भागावर कधीही मुरुम (pimples) दिसू शकतात. विशेषतः कपाळ, हनुवटी आणि गालांना याचा सर्वाधिक फटका बसतो. या सर्वांशिवाय आणखी एक जागा आहे जिथे केव्हाही मुरुम येऊ लागतात. ते ठिकाण म्हणजे भुवया (eyebrows). भुवयांवर अचानक मुरुम येण्याने केवळ आपल्या चेहऱ्याचा लूकच खराब होत नाही तर डागही पडतात. आयब्रो पिंपल्सची कारणे (causes of eyebrow pimples) कोणती आहेत ते जाणून घेऊया.
1) इनग्रोन हेअर
इनग्रोन हेअर म्हणजे बेबी हेअर, ज्याचा काही भाग त्वचेत असतो. असे केस त्वचेत बॅक्टेरियाला जन्म देतात. साधारणपणे असे केस भुवया आणि कपाळावर दिसू लागतात. या प्रकारच्या केसांच्या समस्येपासून मुक्त होण्यासाठी आठवड्यातून दोनदा त्वचेला एक्सफोलिएट करा. अशा प्रकारे लहान केसांची संख्या कमी होऊ लागते. यामुळे पिंपल्सची समस्या आपोआपच संपते.
2) आयब्रोवर घाण जमा होणे
मेकअप काढल्यानंतर बहुतेक लोक भुवया नीट स्वच्छ करायला विसरतात. यामुळे भुवयांजवळील पावडर, बेस आणि फाउंडेशन तसेच राहतात. त्यांची साफसफाई होत नसल्याने या ठिकाणी संसर्ग वाढू लागतो. त्यामुळे लहान पिंपल्स येऊ लागतात. यासाठी भुवयांची स्वच्छता राखावी आणि रोज गुलाब पाण्याने भुवया स्वच्छ कराव्यात.
3) कोंडा ठरतो कारणीभूत
हिवाळ्यात स्काल्प कोरडी पडल्याने कोंड्याची समस्या सुरू होते. केस कंगव्याने विचारताना कोंडा चेहऱ्यावर पडू लागतो. यामुळे चेहऱ्यावर पिंपल्स दिसू लागतात. यासोबतच भुवयांमध्ये कोंड्याचे घटक जास्त काळ अडकून राहिल्याने अनेक वेळा त्या ठिकाणी पिंपल्स येऊ लागतात.
4) थ्रेडिंगमुळे होतो त्रास
असे अनेक लोक आहेत ज्यांच्या डोळ्याभोवतीची त्वचा संवेदनशील आणि सैल असते. जेव्हा असे लोक थ्रेडिंगसाठी जातात तेव्हा त्यांची त्वचा ताणली जाते. अशा स्थितीत त्वचा लाल होते आणि नंतर त्यावर पिंपल्स दिसू लागतात. हे पिंपल्स टाळण्यासाठी, भुवयांवरचे केस काढण्यापूर्वी त्वचेचे एक्सफोलिएशन करणे फार महत्वाचे आहे. यामुळे त्वचेवर घट्टपणा येतो आणि त्वचा गुळगुळीत होते. अशा प्रकारचे पिंपल्स टाळण्यासाठी या ठिकाणी कोरफडीचे तेल लावावे.
5) मेकअप प्रॉडक्टसचा अत्याधिक वापर
बाहेर जाण्यापूर्वी मेकअप आपण अनेकदा करतो. अशा वेळी भुवयाही हायलाइट केल्या जातात. घरी परतल्यानंतर, चेहऱ्यावरचा मेकअप तर काढला जातो, पण भुवयांकडे लक्ष दिले जात नाही. त्यामुळे भुवयांवर पिंपल्सची समस्या वाढू लागते. रोज रात्री झोपण्यापूर्वी चेहरा धुण्यासोबतच भुवयांची साफसफाई करणेही खूप गरजेचे आहे.
हे आहेत बचावाचे उपाय
– तज्ज्ञांच्या सांगण्यानुसार, भुवयांवर पिंपल्स येण्याचे कारण म्हणजे मेकअप नीट न काढणे. म्हणूनच दररोज रात्री झोपण्यापूर्वी मेकअप व्यवस्थित काढणे महत्त्वाचे आहे.
– इतर ब्रशेससह तुमचा आयब्रो ब्रश नियमितपणे स्वच्छ करायला विसरू नका. कधीकधी घाणेरड्या आयब्रो ब्रशमुळे तुमच्या भुवयांवर पिंपल्स येऊ शकतात.
– चेहऱ्यावर पावडर बेस मेकअप लावा ज्यामुळे जास्तीचे तेल सहज शोषले जाईल. जर तुमच्या चेहऱ्यावर वारंवार पिंपल्स येत असतील तर तुम्ही मेकअपचा ब्रँड बदलून पाहू शकता.
– चेहऱ्यावरील पिंपल्स दूर करण्यासाठी टी ट्री ऑइलमध्ये कापूस बुडवा आणि ते तेल भुवयांवर लावा.
– हलक्या हातांनी भुवयांवर कोरफड जेल लावा. तुम्हाला हवे असेल तर तुम्ही त्यात गुलाबपाणी देखील टाकू शकता, ज्यामुळे त्वचेला पोषण मिळू शकते.
– तसेच भुवयांवर रोझमेरी तेल लावून पसरवा. यामुळे पिंपल्सपासून आराम मिळतो.