तुमच्या विजेच्या मीटरवर अशी खून दिसते का, बिल वाढेल की कमी होईल? महत्त्वाची गोष्ट घ्या जाणून…
विजेच्या मीटरबद्दल काही गोष्टी अशा असतात ज्या आपल्याला देखील माहिती होत नाही. अनेकांच्या मीटवर अशी एक खून असते... ज्यामुळे विज बिल वाढतं की कमी होतं? याबद्दल माहिती नसतं, त्यामुळे ती खून नक्की कोणती आहे आणि त्याचा अर्थ काय होतो.
आज प्रत्येकाच्या घरात स्मार्ट मीटर बसवलेलं असतं. पण मीटरवर असलेल्या काही चिन्हांचा अर्थ आपल्याला कळत नाही. त्यामुळे अशा चिन्हांमुळे आपल्याला बिल कमी येकं की जास्त येतं याबद्दल काही कळत नाही. सर्वात महत्त्वाची गोष्ट म्हणजे, तुम्हाला तुमच्या मीटरच्या डिस्प्लेवर वेगवेगळ्या प्रकारचे छोटे सिग्नल दिसतील. त्यावर अर्थिंगसारखी दिसणारी एक खूणही असू शकते. पण त्याचा अर्थ नेमका काय असेल, याबद्दल कोणाला कदाचित माहिती देखील नसेल. सांगायचं झालं तर, सोशल मीडियावर असा दावा केला जातो की, ही खूण दिसल्यास विजेचे बिल कमी येईल, पण हे खरं नाही, त्यामुळे जाणून घ्या यामागे नेमका अर्थ कोणता आहे.
अर्थिंग प्रणाली म्हणजे काय? हे कदाचित सर्वांना माहिती असेल. विद्युत सुरक्षेसाठी अर्थिंग एक महत्त्वाची भूमिका बजावतो. जर काही कारणास्तव विद्युत उपकरणामध्ये विद्युत प्रवाह गळला, तर अर्थिंग तो सुरक्षितपणे जमिनीकडे वाहून नेण्यास मदत करते. त्यामुळे, अर्थिंगचा मुख्य उद्देश विद्युत प्रवाहापासून संरक्षण देणं हा आहे, वीज बिल कमी करणं हा नाही.
मीटरवर ते चिन्ह का दिसतं असा प्रश्न देखील तुम्हाला पडला असेल. डिजिटल आणि स्मार्ट मीटर्स वीजपुरवठा, लोड आणि मीटरची स्थिती यासह विविध तांत्रिक माहितीचं संकेत हे चिन्ह दर्शवतात. काही मीटर्स अर्थिंगशी संबंधित संकेत देखील दर्शवू शकतात. पण, या चिन्हाचा अर्थ प्रत्येक कंपनी आणि मॉडेलसाठी सारखाच असेल असं नाही.
अर्थिंगमुळे विजेचे बिल कमी होते का? असा देखील प्रश्न अनेकांना सतावत असतो. मीटरवरील अर्थिंगच्या चिन्हामुळे विजेचं बिल कमी होत नाही. बिल मुख्यत्वे तुमच्या घरात वापरल्या जाणाऱ्या विजेच्या युनिटवर आधारित असते. एसी, गिझर, हीटर आणि इतर जास्त वीज वापरणारी उपकरणे जास्त वेळ चालवल्याने विजेचा वापर आणि बिल दोन्ही वाढू शकतात. यामुळे उन्हाळ्यात बिस जास्त येतं.
जर अर्थिंग योग्य नसेल आणि कोणत्याही उपकरणातून विद्युत प्रवाह गळत असेल, तर विजेचा धक्का लागण्याचा धोका वाढू शकतो. योग्य अर्थिंग खूप महत्त्वाचं आहे, विशेषतः फ्रिज, वॉशिंग मशीन, गिझर यांसारख्या धातूच्या बॉडी असलेल्या उपकरणांमध्ये. त्यामुळे, घरातील इलेक्ट्रिकल वायरिंगमध्ये अर्थिंगकडे दुर्लक्ष करू नये.
एखादे चिन्ह दिसल्यास काय केलं पाहिजे, जर मीटरवर फक्त ‘अर्थिंग’चं चिन्ह दिसत असेल आणि मीटर व्यवस्थित काम करत असेल, तर घाबरण्याची गरज नाही. परंतु, जर त्यासोबत कोणताही एरर कोड, चेतावणी किंवा असामान्य सिग्नल दिसत असेल, तर स्वतःहून मीटर उघडण्याचा प्रयत्न करू नका. वीज विभागाकडून किंवा पात्र इलेक्ट्रिशियनकडून ते तपासून घेणं अधिक सुरक्षित आहे. विजेचे बिल कमी करण्यासाठी, विजेचा वापर कमी करणं आवश्यक आहे.
