सुंदर आणि ग्लोईंग त्वचा हवी? मग लिंबू पाण्याचे सेवन आवश्यक !

मुंबई : आपण सर्वच जण जास्त करून लिंबू पाणी उन्हाळ्याच्या हंगामात पितो. लिंबू पाणी हे असेच एक पेय आहे, जे उन्हाळ्यात तोंडाची चव वाढवण्यासाठी वापरले जाते, परंतु आपणास माहित आहे का? की चवी व्यतिरिक्त, लिंबू पाणी शरीरासाठी अनेक प्रकारे फायदेशीर आहे. लिंबूयुक्त पाणी प्यायल्याने शरीराची प्रतिकारशक्ती सुधारते. मात्र, तुम्हाला हे माहिती आहे का? की, लिंबू पाणी प्यायल्याने आपल्या त्वचेसाठी अत्यंत फायदेशीर आहे. चला, जाणून घ्या याचे फायदे….(Drinking lemon water is beneficial for beautiful and glowing skin)

-लिंबू पाण्यामध्ये तुम्ही मध देखील मिक्स करू शकता. मात्र, जेंव्हा लिंबू पाण्यात मध मिक्स करत आहात त्यावेळी त्यामध्ये कोमट पाण्याचा उपयोग करणे आवश्यक आहे. गरम पाण्यामध्ये मध मिक्स करणं आरोग्यासाठी चांगले मानले जाते.

-लिंबूमध्ये मोठ्या प्रमाणात अँटी-ऑक्सिडंट्सचा साठा असतो. यामुळे नियमित मर्यादित स्वरुपात लिंबू पाणीचे सेवन केल्यास त्वचेला खोलवर पोषण तत्त्वांचा पुरवठा होतो. यामुळे सुरकुत्या, पिगमेंटेशन, मुरुम इत्यादी त्वचेशी संबंधित समस्या दूर होण्यास मदत मिळते.

-लिंबू पाणी प्यायल्यामुळे नैराश्य आणि तणाव कमी होतो. बर्‍याच संशोधनात असे निष्कर्ष समोर आले आहेत की, शरीर हायड्रेटेड राहिल्यास तणावापासून दूर राहण्यात मदत होते. त्याचबरोबर, शिकंजीमध्ये लिंबाचा वापर केला जातो, जो तुम्हाला ताजेतवाने ठेवण्यात प्रभावी आहे.

-जेव्हा आपल्याला खूप तहान लागली असेल तेव्हा लिंबू पाणी प्यावे. लिंबूच्या सुगंधामुळे मन प्रसन्न होते व मानसिक ताणही दूर होतो. शरीरातील हॅपी हार्मोन्सची पातळी वाढते

-हे पिण्यामुळे तोंडातून येणारी दुर्गंधीही दूर होते. दिवसातून दोन ते तीन वेळा लिंबू पाणी प्यायल्याने दात आणि हिरड्यांच्या समस्येवर आराम मिळतो.

-व्हिटामिन सी समृद्ध लिंबू पाणी त्वचा सुधारते. आठवड्यातून एकदा याचे सेवन केल्याने त्वचेच्या समस्या देखील दूर होतात.

संबंधित बातम्या : 

Skimmed  Milk | स्किम्ड दुधाचे सेवन करताय? थांबा! आधी जाणून घ्या याचे दुष्परिणाम…

Kidney Stone | मुतखड्याच्या समस्येने त्रस्त आहात? मग, चुकूनही खाऊ नका ‘हे’ पदार्थ!

(Drinking lemon water is beneficial for beautiful and glowing skin)