‘या’ 6 पदार्थांच्या सेवनाने शरीरात रक्ताची पातळी वेगाने वाढते, आजच करा आहारात समावेश
आपल्या शरीराला अनेक पोषक तत्वांची आवश्यकता असते. ज्यात लोह देखील खूप महत्वाचे आहे. अशातच लोहाची कमतरता जाणवू लागल्यास अशक्तपणा, थकवा, चक्कर येणे यासारख्या अनेक समस्या उद्भवतात. याकरिता ही समस्या शरीरात निर्माण होऊ नये यासाठी आहारात या पदार्थांचा नक्की समावेश करा.
निरोगी आणि सदृढ राहण्यासाठी प्रत्येकजण योग्य आहार घेत असतात. त्याचबरोबर शरीरात रक्ताची पातळी नीट राखणे देखील खूप गरजेचे आहे. अशातच आपल्या शरीरात लोहाची कमतरता जाणवल्यास अशक्तपणासारखे गंभीर आजार होऊ शकतात. तसेच थकवा, अशक्तपणा, त्वचा पिवळी पडणे, चक्कर येणे आणि श्वास घेण्यास त्रास होणे असे अनेक समस्या त्रास देऊ लागतात. यासाठी योग्य आहारासोबत काही गोष्टी लक्षात घेणे आवश्यक असते. शरीरातील रक्तांचक प्रमाण वाढवण्यासाठी आज आपण अशा काही पदार्थांबद्दल सांगणार आहोत, ज्यांचा रोजच्या आहारात समावेश केल्याने तुम्ही सशक्त राहाल. चला तर मग याबद्दल जाणून घेऊयात…
अशा परिस्थितीत, लोहाची कमतरता पूर्ण करण्यासाठी सर्वोत्तम स्रोत म्हणजे लाल मांस, बीन्स आणि सीफूड मानले जाते. पण शाकाहारी लोकांना एक प्रश्न पडतो की लोहाची कमतरता भरून काढण्यासाठी त्यांनी काय खावे? जर तुम्हीही शाकाहारी असाल आणि शरीरातील लोहाची कमतरता नैसर्गिक पद्धतीने पूर्ण करू इच्छित असाल तर आजच्या लेखात 6 शाकाहारी पदार्थ सांगत आहोत, जे तुम्ही तुमच्या आहारात सहज समाविष्ट करू शकता.
पालक हा एक उत्तम स्रोत आहे
लोहयुक्त पदार्थांमध्ये पालक हे नाव सर्वात आधी लक्षात येते. तुमच्या शरीरातील रक्ताची पातळी वाढवण्यासाठी एक उत्तम स्रोत मानले जाते. हेल्थलाइनच्या मते 100 ग्रॅम पालकामध्ये सुमारे 2.7 ग्रॅम लोह असते. पालक भाजीच्या सेवनाने शरीरात रक्त जलद वाढवण्यास मदत होते. सर्वात महत्त्वाची गोष्ट म्हणजे तुम्ही पालक भाजीचा तुमच्या आहारात अनेक प्रकारे समावेश करू शकता. जसे पालक सूप, पालकाची भाजी आणि सॅलडच्या स्वरूपात.
तुमच्या आहारात डाळींचा समावेश करा
मूग, मसूर, तूरडाळ आणि चणा डाळ हे देखील लोहाचे चांगले स्रोत आहेत. एक कप कच्च्या डाळीमध्ये सुमारे 6.6 ग्रॅम लोह आढळते, जे शरीरात रक्त वाढवण्यास खूप मदत करते. जर तुम्ही ते व्हिटॅमिन सी समृद्ध असलेल्या पदार्थांसोबत घेतले तर शरीरात लोह चांगले शोषले जाईल.
चण्यांमध्ये देखील असते लोह
तुम्ही जर शाकाहारी असाल तर तुम्ही तुमच्या आहारात चणे देखील समाविष्ट करू शकता. लोहाव्यतिरिक्त, चण्यांमध्ये प्रथिने आणि फायबरचा एक उत्कृष्ट स्रोत देखील आहे. तुम्ही ते अनेक प्रकारे खाऊ शकता. जसे की चणे चाट, सॅलड आणि भाज्यांच्या स्वरूपात.
डाळिंबामध्ये भरपूर लोह असते
शरीरात रक्त वाढवण्यासाठी डाळिंब हा एक उत्तम स्रोत आहे. 100 ग्रॅम डाळिंबाच्या बियांमध्ये 0.31 मिलीग्राम लोह आढळते. दररोज एक डाळिंब खाल्ल्याने रक्त वाढवण्यास मोठ्या प्रमाणात मदत होते. लोहाव्यतिरिक्त डाळिंबात व्हिटॅमिन सी, अँटीऑक्सिडंट्स आणि अनेक पोषक घटक आढळतात.
संपूर्ण धान्य देखील एक चांगला पर्याय आहे
नॅशनल लायब्ररी ऑफ मेडिसिनच्या मते संपूर्ण धान्य देखील लोहाचा एक चांगला स्रोत आहे. तुम्ही तुमच्या आहारात ओट्स, क्विनोआ, बाजरी आणि लाल तांदूळ यांचा समावेश करू शकता. जर तुम्ही व्हिटॅमिन सी समृद्ध अन्नांसह लोहयुक्त पदार्थ खाल्ले तर शोषण चांगले होऊ शकते.
फोर्टिफाइड पदार्थ देखील सूचीबद्ध आहेत
संपूर्ण धान्यांव्यतिरिक्त शरीरातील रक्ताची कमतरता पूर्ण करण्यासाठी फोर्टिफाइड पदार्थ देखील एक चांगला पर्याय आहे. फोर्टिफाइड पदार्थ म्हणजे ज्यामध्ये जीवनसत्त्वे आणि खनिजे स्वतंत्रपणे जोडली जातात, जसे की टोफू.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
