Best Shopping Places : मुंबईत ‘या’ 5 मार्केटमध्ये करा भरपूर शॉपिंग, तिसरा सर्वात स्वस्त मस्त

Best Shopping Places : मुंबई हे एक असं शहर आहे, जेथे दररोज लाखो पर्यटक फिरण्यासाठी येतात. मुंबईत शॉपिंग करणं देखील त्यांच्यासाठी फार नवीन असतं. तर मुंबईतील काही ठिकाणी असे मार्केट आहेत, जिथे शॉपिंग करणं खिशाला परवडणारं आहे. आजच्या काळात शॉपिंग करायला कोणाला आवडत नाही. पण मॉल आणि महागड्या दुकांमधून वस्तू घेणं कोणाला परवडत नाही. पण मुंबईत अनेक असे मार्केट आहेत. जिथे स्वतः आणि मस्त वस्तू मिळतील. पण एक मार्केट तर असं आहे, जेथे अनेक वस्तू फार कमी दरात म्हणजे होलसेलच्या दरात मिळतात. मुंबईतील बाजारांचे मुख्य आकर्षण म्हणजे येथे मिळणाऱ्या वस्तू आहेत. मुंबईच्या कोणत्या बाजारपेठांमध्ये तुम्ही खरेदीचा आनंद घेऊ शकता ते जाणून घेऊया.

क्रॉफर्ड मार्केट : मुंबईत खरेदी करायची असेल तर क्रॉफर्ड मार्केटला तुम्ही भेट देणं आवश्यक आहे. क्रॉफर्ड मार्केट हे शहरातील सर्वात जुन्या बाजारपेठांपैकी एक आहे. फळे, भाज्या, पिशव्या, मेकअप, घरातील सजावटीच्या वस्तूंपासून ते खेळण्यांपर्यंत अनेक गोष्टी तुम्हाला या ठिकाणी मिळतील.

लिंकिंग रोड : विविध प्रकारचे परवडणारे आणि ट्रेंडी कपडे, दागिने, शूज लिंकिंग रोडवरील बाजारात मिळतील. मुंबईत रस्त्यावरील खरेदीच्या अनुभवासाठी लिंकिंग रोड आपल्या यादीत असणं आवश्यक आहे. लिकिंग रोड वांद्रे येथे आहे. हे शहरातील खरेदीदारांसाठी मोठ मार्केट आहे. येथील बाजारात काही ब्रँडेड शोरूम आणि बुटीक देखील आहेत.

हिंदमाता मार्केट : जर तुम्ही विविध प्रकारचे कापड, साड्या, ड्रेस मटेरियल आणि भारतीय पोशाख शोधत असाल तर थेट या दादर बाजारात जा आणि तुम्हाला जे काही शोधत आहात ते तुम्हाला मिळेल. ही सर्वात मोठी आणि सर्वात जुनी घाऊक कपड्यांची बाजारपेठ आहे. लग्नाच्या खरेदीसाठी उत्तम ठिकाण. तुम्ही तुमच्या बजेटनुसार येथे खरेदी करू शकता.

कुलाबा कॉजवे : कुलाबा कॉजवे मुंबईच्या सर्वात लोकप्रिय बाजारपेठांपैकी एक आहे. या बाजारात बरीच वर्दळ दिसून येते. कृत्रिम दागिने, वैयक्तिक दागिने, प्रासंगिक पाश्चिमात्य पोशाख, पादत्राणे, पिशव्या ते प्राचीन वस्तूंपर्यंत, या ठिकाणी शॉपिंगला भरपूर वाव आहे. या ठिकाणी नेहमीच लोकांची गर्दी असते. इथं तुम्ही आनंदानं खरेदी करु शकता.