तुझ्या वागण्याचा प्रचंड.. विद्यानंद बापट यांच्या डीजेच्या भूमिकेवर अभिनेत्री सोनाली कुलकर्णी हिचे मोठे भाष्य..

डीजे आणि लाऊडस्पीकरवरील गोंगाटाविरोधात पुण्यातील विद्यानंद बापट या सामान्य नागरिकांच्या बोलक्या लढ्याला आता पुणेकरांचे बळ मिळताना दिसत आहे. मात्र, डीजेचा विरोध केल्याने त्यांच्यावर भर कॅमेऱ्यासमोर हल्लाही झाला. विद्यानंद बापट यांना झालेल्या मारहाणीविरोधात राजकीय आणि सामाजिक वर्तुळातून प्रतिक्रिया उमटल्या. अनेकांनी निषेध केला. पण सामाजिक भान असलेल्या पुणेकरांनी कृतीतून त्यांच्या विचारांना पाठिंबा देण्याचे ठरवले आहे. पुण्यात गणेश उत्साहात डीजे वाजणार की नाही यावर अजूनही संभ्रम आहे. त्यातच मुख्यमंत्र्यांनी यावर प्रतिक्रिया दिली. विद्यानंद बापट यांचे अनेकांकडून समर्थन केले जात आहे. पोलिसांनी याप्रकरणात विद्यानंद बापट यांच्यावर हल्ला करणाऱ्याला ताब्यात घेतले. मात्र, यादरम्यानचा व्हिडीओ व्हायरल होत असल्याने खळबळ उडाली.

त्यातच आता अभिनेत्री सोनाली कुलकर्णी हिने देखील विद्यानंद बापट यांच्याबद्दल पोस्ट शेअर केली. सोनाली कुलकर्णीकडूनही विद्यानंद बापट यांचे समर्थन करण्यात आले. सोनाक्षी कुलकर्णी यांनी सोशल मीडियावर पोस्ट शेअर करत लिहिले की, प्रिय विद्यानंद बापट… मनापासून आभार आणि शाबासकी.. जागरूक नागरिक असण्याची व्याख्या नव्याने मांडत आहेस..

विचार अत्यंत स्पष्ट.. संयम आणि मुद्देसूद भाषा, ठामपणा… तुझ्या ह्या वाहण्याचा प्रचंड अभिमान वाटतो.. तुझी दमछाक होऊ नये, याकरिता काळजी वाटते. सगळीच शहरे खडबडून जागी झाली आहेत. तुझ्यासारख्या नागरी नेतृत्वाची खूप जास्त गरज आहे. यासोबतच सोनाली कुलकर्णीने विद्यानंद बापट यांचा एक फोटोही शेअर केला. तुम्हाला बळ मिळो, असेही सोनाली कुलकर्णी हिने आपल्या पोस्टमध्ये म्हटले.

अनेकजण विद्यानंद बापट यांचे समर्थन करत आहेत. त्यातच आता सोनाली कुलकर्णी यांच्याकडून समर्थन करण्यात आले. विद्यानंद बापट यांच्या मराठीने अनेकांना भुरळ पडली. स्वत: मुख्यमंत्री देवेंद्र फडणवीसही याबाबत बोलताना दिसले. फडणवीसांनी बापट यांच्या मराठीचे कौतुक केले आहे. फडणवीस म्हणाले होते की, ते जशी सुंदर भाषा वापरतात, तशीच त्यांनी आपले विचार मांडताना इतरांना त्रास होणार नाही अशा अकोमोडेटिव्ह पद्धतीने मांडणी करावी. मलाही त्यांच्याकडे ट्यूशन घ्यावी लागणार असल्याचे त्यांनी म्हटले.