चार भिंतीतला संसार धडाम्… भिंतींना भगदाड, भांडी उडाली, चूलघर अख्खं काळवंडलं, घरी येऊन पाहतो तो…
गॅस सिलेंडरचा स्फोट होऊन घर जळाल्याची घटना गंगाखेड तालुक्यातील धनगर मोहा येथे घडली. सुदैवाने घराचे सदस्य शेतात असल्याने मोठं अनर्थ टळला. मात्र अल्पभूधारक शेतकरी असलेले पाराजी तरडे यांचा संसार मात्र उघड्यावर पडला.
परभणीः हातावर पोट भरणाऱ्यांना सकाळी भाकरी मिळाली तर संध्याकाळी मिळेल की नाही, ही भ्रांत असते. त्यातच काही नैसर्गिक संकट (Natural calamities), अपघात झाला तर.. एक तर मान खाली घालून अश्रू ढाळावेत नाही तर आकाशाकडे पाहून देवाला दोष द्यावा, अशीच काही स्थिती होते. परभणीतही एका अल्पभूधारक शेकतऱ्यावर (Farmer) संकट कोसळलं. सकाळची न्याहरी करून शेतावर (Farm) काम करण्यासाठी हे कुटुंब गेलं. पण घरी परतून पहातो तो स्वयंपाक घराची अक्षरशः चिरफाड झालेली…
भिंती काळवंडल्या, भांडी वाकडी…
सिलिंडरचा स्फोट झाल्यानं शेतकऱ्याचं घरच उध्वस्त झालं. स्वयंपाक घराच्या भिंतींना मोठं भगदाड पडलं. भांडी काळवंडली. उरल्या-सुरल्या भिंती आणि भांडी काळ्या ठिक्कर पडल्या. सिलिंडर स्फोटाच्या हादऱ्यामुळे भांड्याचं रॅक तर अक्षरशः वाकडं तिकडं होऊन पडलं. सुदैवानं स्फोट झाला त्यावेळी शेतकऱ्याचं हे कुटुंब बाहेर होतं. पण घराचे असे हाल पाहून अख्ख्या गावात हळहळ व्यक्त होतेय.
गॅस सिलेंडरचा स्फोट होऊन घर जळाल्याची घटना गंगाखेड तालुक्यातील धनगर मोहा येथे घडली. सुदैवाने घराचे सदस्य शेतात असल्याने मोठं अनर्थ टळला. मात्र अल्पभूधारक शेतकरी असलेले पाराजी तरडे यांचा संसार मात्र उघड्यावर पडला.
