Leopard Attack : डोळ्या देखत बिबट्याचा शेळ्यांवर हल्ला, घटना पाहताना शेतकरी घाबरला, पण वन विभाग…
शेळ्या बांधायच्या कुठं, बिबट्या करतोय डोळ्या देखत हल्ला, तीन शेळ्या ठार, शेतकरी चिंतेत,
भंडारा – जिल्ह्यातील (Bhandara lakhani) लाखनी वनपरिक्षेत्र अधिकारी कार्यालय अंतर्गत येत असलेल्या लाखनी बीट मधील गडपेंढरी येथे बिबट्या (Leopard Attack) मानवी वस्तीत घुसून हल्ला करीत आहे. गोठ्यात शिरून थेट पाळीव जनावरांवर (pet animal)हल्ला करतोय. आतापर्यंत तीन शेळ्या ठार केल्या आहेत. तर दोन गंभीर जखमी केल्या असल्याचे शेतकरी सांगत आहेत. विशेष म्हणजे एक शेळी जंगलात ओढन नेत ठार केल्याची घटना मध्यरात्रीच्या सुमारास घड़ली. त्यामुळे शेतकऱ्यांची चिंता वाढली आहे.
मागच्या कित्येक दिवसांपासून बिबट्या सातत्याने त्या परिसरात हल्ला करीत आहे. त्यामुळे त्याचा कायमचा बंदोबस्त करावा अशी सुचना अनेकदा वनविभागाला शेतकऱ्यांनी केली आहे. काल घडलेल्या भयानक घटनेमुळे शेतकरी पुर्णपणे घाबरले आहेत.
पीडित शेतकऱ्यांनाचे नाव बालकचंद्र गायधने आणि गोमा कावळे रा.गडपेंढरी असे आहे. हल्ल्यात शेतकऱ्याचे हजारो रुपयांचे नुकसान झाले आहे. या घटनेची माहिती वनविभागाला देण्यात आली असून वनपरिक्षेत्र अधिकारी घटनास्थळी पोहोचल्यानंतर त्यांनी पंचनामा केला. मात्र सातत्याने अशा घटना घडत असून गावकऱ्यांनी त्या बिबट्याचा बंदोबस्त करावा व पीडित पशुपालकाला नुकसान भरपाई द्यावी अशी मागणी केली आहे.