सांगली बँक निवडणूक ‘मॅचफिक्सिंग’, संजयकाका पाटील यांच्या आरोपाला, विशाल पाटील यांनी दिले उत्तर
सांगली जिल्हा मध्यवर्ती बँक निवडणुकीच्या पार्श्वभूमीवर खासदार विशाल पाटील आणि काँग्रेसचे आमदार आणि माजी राज्यमंत्री विश्वजीत कदम यांनी पालकमंत्री चंद्रकांत पाटील यांची भेट घेतल्याने खासदार संजयकाका पाटील मॅच फिक्सिंगचा आरोप केला आहे.
राज्यातील जिल्हा बँक निवडणूकांची घोषणा झाल्याने वातावरण तापले आहे. सांगली, सातारा, सोलापूर जिल्हा बँकांच्या निवडणूकीत चांगली चुरस पाहायला मिळत आहे. सांगली जिल्हा बँकेच्या निवडणूकांसाठी खासदार विशाल पाटील आणि त्यांची पत्नी पूजा पाटील यांनी अर्ज भरला आहे तर काँग्रेसचे आमदार आणि माजी राज्यमंत्री विश्वजीत कदम यांनी देखील प्रथमच जिल्हा बँकेच्या निवडणुकीसाठी आपला अर्ज भरला आहे. दरम्यान, खासदार विशाल पाटील आणि विश्वजीत कदम यांनी नुकतीच पालकमंत्री चंद्रकांत पाटील यांची भेट घेतली होती. त्यावरुन सांगली जिल्हा मध्यवर्ती बँक निवडणूक ही मॅच फिक्सिंग असल्याचा आरोप खासदार संजयकाका पाटील यांनी केला आहे. त्यासाठीच खासदार विशाल पाटील आणि विश्वजीत कदम हे पालकमंत्री चंद्रकांत पाटील यांनी भेटल्याचा आरोपही त्यांनी केला आहे. दरम्यान, या दोघांनीही आपण दुष्काळ संदर्भात पालकमंत्र्यांना भेटल्याचे स्पष्टीकरण दिले आहे.
राज्यातील जिल्हा बँक निवडणुकांची (Election) रणधुमाळी सुरु झाली असून सांगली, सातारा, सोलापूर जिल्हा बँकांच्या निवडणुकीत चांगलीच चूरस पाहायला मिळत आहे. सध्याच्या दुष्काळी परिस्थितीच्या पार्श्वभूमीवर सांगली जिल्हा मध्यवर्ती बँकेची निवडणूक बिनविरोध व्हावी, अशी मागणी खासदार विशाल पाटील यांनी केली आहे. विशेष म्हणजे, विशाल पाटील आणि त्यांच्या पत्नी पूजा पाटील या दोघांनीही उमेदवारी अर्ज भरला आहे. तसेच, काँग्रेसचे आमदार आणि माजी राज्यमंत्री विश्वजीत कदम यांनी देखील प्रथमच जिल्हा बँकेच्या निवडणुकीमध्ये आपला उमेदवारी अर्ज भरला आहे. विशाल पाटील आणि विश्वजीत कदम यांनी पालकमंत्री चंद्रकांत पाटील यांची भेट घेतली आहे. यामुळे खासदार संजयकाका पाटील यांनी ही निवडणूक म्हणून मॅच फिक्सिंग असल्याचा आरोप केला आहे.
या आरोपावरून खासदार विशाल पाटील आणि विश्वजीत कदम यांनी स्पष्टीकरण दिले आहे. खासदार विशाल पाटील,हे पालकमंत्री चंद्रकांत पाटलांना भेटले आहेत, ही वस्तुस्थिती आहे, पण जिल्ह्यातील दुष्काळाच्या प्रश्नावर आणि डीपीडीसी बाबत त्यांची चर्चा झाल्याचे काँग्रेस आमदार विश्वजीत कदम यांनी स्पष्ट केले आहे. तर आपण वेगवेगळ्या कामांसाठी पालकमंत्र्यांना सातत्याने भेटत असतो,बैठका घेत असतो,ही भेट आणि बैठक देखील दुष्काळी संदर्भात होती आणि ती जाहीर भेट होती, त्यामुळे त्याचा वेगळा अर्थ कोणी काढू नये, असं स्पष्टीकरण खासदार विशाल पाटील यांनी केले आहे.
