Dattatray Bharne : काजू-बदामनंतर दुष्काळ बैठकीत अधिकाऱ्यांच्या डुलक्या, कृषिमंत्री भरणेंनी दिली पहिली प्रतिक्रिया, म्हणाले…
काजू-बदामनंतर दुष्काळ बैठकीत अधिकाऱ्यांच्या डुलक्या काढल्याचे समोर आलं आहे. यावर कृषिमंत्री भरणे यांनी पहिली प्रतिक्रिया देत सल्ला दिला आहे.
अकोल्यातील दुष्काळ आढावा बैठकीत अधिकाऱ्यांनी डुलक्या काढल्याचे समोर आलं. तर काही अधिकारी मोबाइलमध्ये व्यस्त असल्याचे समोर आले आहे. तर काही अधिकारी व्हॉट्सअॅप पाहत होते. तर काही फेसबुक लाईव्ह, इन्स्टाग्राम लाईव्ह पाहत होते. यावरून दुष्काळी परिस्थितीचं गांभीर्य नसल्याची टीका प्रशासनावर होत आहे. यावर आता कृषिमंत्री दत्तात्रय भरणे यांनी पहिली प्रतिक्रिया दिली आहे. या अधिकाऱ्यांनी गांभीर्याने घेतलं पाहिजे, असा सल्ला कृषिमंत्री दत्तात्रय भरणे यांनी दिला.
कृषिमंत्री दत्तात्रय भरणे यांनी माध्यमांशी संवाद साधला. एका बैठकीत काही अधिकारी डुलक्या काढत असल्याचे समोर आलं आहे. यावर भरणे म्हणाले, बैठकीला साडे तीनशे अधिकारी होते. प्रत्येक अधिकाऱ्यांनी माहिती दिली आहे. कलेटक्टर, जीडीए, कृषी आयुक्त, सचिव, विभागीय आयुक्त, महसूल यंत्रणा, एमएसईबीचे अधिकारी होते. सर्व जण होते. इतक्या अधिकाऱ्यांमध्ये एखाद दुसरा असेल. खरंतर आता शेतकरी खूप अडचणीत आहे. .तुम्ही सर्वांनी शेतकऱ्यांना धीर दिला पाहिजे. कोण काय करतो , म्हणण्यापेक्षा रिझल्टवर लक्ष दिलं पाहिजे. पाठिमागे कोण करतंय… परंतु अधिकाऱ्यांनी गांभीर्य घेतलं पाहिजे’.
‘मी उद्या ठाणे विभागाचा आढावा घेत आहे. परवा मी पुणे विभागाचा आढावा घेणार आहे. मी गुरुवारी नागपूर, तर शनिवारी नाशिक विभागाचा आढावा घेणार आहे. पश्चिम विदर्भ, मराठवाड्यात पावसाचा खंड पडल्याने शेतकऱ्यांचं नुकसान झालं आहे. त्यामध्ये सोयाबीन आणि कापूस पिकांचं नुकसान झालं आहे. शेवटी शेतकऱ्यांचा आक्रोश असे साहजिक आहे. आम्ही शेतकरी आहोत. ज्याचं कळतं, त्याला कळतं. शेतकरी खूप अडचणीत आहे. शेतकऱ्यांना मदत केली पाहिजे, अशी सरकारची भूमिका आहे. दौरा करून ही परिस्थिती पाहिली आहे. त्यामुळे राज्य सरकार, मुख्यमंत्री, दोन्ही उपमुख्यमंत्री शेतकऱ्यांसोबत आहे. राज्यशासनाची मदत, पीक विम्याची मदत असेल, जी शक्य आहे, ती मदत करण्याचा निर्णय घेतला आहे. शेवटी हे संकट आहे. हे संकट मानवनिर्मित नाही. तर निसर्गाचं संकट आहे. या संकटाला सामोरे जावं लागेल. यात आम्ही सर्व तुमच्याबरोबर आहे.
शेतकऱ्यांवर अतिरिक्त व्याज आकारल्याचा संशय आहे, यावर मंत्री दत्तात्रय भरणे म्हणाले, कारवाई केली पाहिजे. तुम्ही सहकार मंत्र्यांना विचारलं असेल. शेतकऱ्यांशी भावनेशी खेळणाऱ्या, कर्ज कमी असताना ज्यादा दाखवून सरकारची फसवणूक करणाऱ्या बँकांवर मुख्यमंत्री, सहकार विभागाच्या माध्यमातून कडक कारवाई होईल. अशी कोणत्या बँकेची हिंमत झाली नाही पाहिजे. याची चौकशी होईल’.
