Gold Price Today: दिल गोल्डन, गोल्डन हो गया; भाव स्वस्त झाल्याने ग्राहक पुन्हा सोन्यावर फिदा!

नाशिकमध्ये सोन्याचे भाव स्वस्त झाले आहेत.

नाशिकः रशिया-युक्रेन युद्धाची कमी झालेली धग आणि गुंतवणूकदारांनी इतरत्र वळवलेला मोर्चा पाहता पुन्हा एकदा सोन्याचे (Gold) दर कमी आणि स्थिर होताना दिसतायत. नाशिकमध्ये (Nashik) बुधवारी 24 कॅरेट सोन्याचे दर 10 ग्रॅममागे 51600 रुपये नोंदवले गेले. 22 कॅरेट सोन्याचे दर 10 ग्रॅममागे 49400 रुपये नोंदवले गेले, तर चांदीचे (Silver) दर किलोमागे 68500 रुपये नोंदवले गेले. यावर तीन टक्के जीएसटी अतिरिक्त असेल, अशी माहिती द नाशिक सराफा असोसिएशनचे अध्यक्ष गिरीश नवसे यांनी टीव्ही 9 मराठीशी बोलताना दिली. अजून लगीनसराई सुरू झालेली नाही. गुढीपाडवाही लांब आहे. त्यामुळे तूर्तास बाजारात सोन्याला म्हणावी तशी मागणी नाही. येणाऱ्या काळात सराफातील गर्दी वाढेल, असा अंदाज व्यक्त केला जात आहे. सध्या साधारणतः दोनशे ते पाचशे रुपयांच्या दरम्यान सोन्याच्या भावात चढ-उतार होत असल्याचे दिसत आहे. येणाऱ्या काळात हे भाव पुन्हा वाढण्याची शक्यताही वर्तवली जात आहे.

काय आहेत महाराष्ट्रातले दर?

मुंबईत बुधवारी 24 कॅरेट सोन्याचे दर 10 ग्रॅममागे 51670 रुपये नोंदवले गेले. कालच्या तुलनेत आजच्या भावात आज 430 रुपयांची घसरण पाहायला मिळाली. 22 कॅरेट सोन्याचे दर 10 ग्रॅममागे 47350 रुपये नोंदवले गेले. कालच्या तुलनेत आजच्या भावात 400 रुपयांची घसरण पाहायला मिळाली. पुण्यात बुधवारी 24 कॅरेट सोन्याचे दर 10 ग्रॅममागे 51740 रुपये नोंदवले गेले. 22 कॅरेट सोन्याचे दर 10 ग्रॅममागे 47720 रुपये नोंदवले गेले. नागपूरमध्ये बुधवारी 24 कॅरेट सोन्याचे दर 10 ग्रॅममागे 51720 रुपये नोंदवले गेले. कालच्या तुलनेत आजच्या भावात आज 430 रुपयांची घसरण पाहायला मिळाली. 22 कॅरेट सोन्याचे दर 10 ग्रॅममागे 47400 रुपये नोंदवले गेले.

काय आहेत दिल्लीतील दर?

देशाची राजधानी नवी दिल्लीतही सोन्या आणि चांदीचे भाव स्वस्त झालेले दिसले. 24 कॅरेट सोन्याचे दर 10 ग्रॅममागे 51315 रुपये नोंदवले गेले. 22 कॅरेट सोन्याचे दर 10 ग्रॅममागे 47005 रुपये नोंदवले गेले. या दरात कालच्या तुलनेत आज 172 रुपयांची घट झाल्याचे दिसले. तर चांदीचे दर किलोमागे 67004 रुपये नोंदवले गेले. चांदीचे दर कालच्य तुलनेत आज 189 रुपयांनी घसरल्याचे दिसले.

24 कॅरेट सोन्याचे दर (10 ग्रॅममागे)

दिल्ली – 51315

मुंबई – 51670

पुणे – 51740

नाशिक – 51600

नागपूर – 51720

22 कॅरेट सोन्याचे दर (10 ग्रॅममागे)

दिल्ली – 47005

मुंबई – 47350

पुणे – 47720

नाशिक – 49400

नागपूर – 47400

इतर बातम्याः

पर्यावरण मंत्र्यांना अंधारात ठेवून वादग्रस्त उड्डाणपुलाला घाईघाईत मान्यता; नाशिकमध्ये पुन्हा आंदोलन धुमसणार!

Special Report | देशातल्या सर्वात मोठ्या लेखकाची ख्यातनाम प्रकाशकांकडून लूट; कोण फोडणार पुस्तकांचा तुरुंग?

tv9 Explainer : आप कौन है, भर विधानसभेत नितीशकुमारांनी सभापतींना झापलं, भाजपला झटका देण्याच्या तयारीत?