Gokul Election : रेणुका देवीच्या परडीवर हात ठेवून घ्यायला लावली शपथ, गोकुळ दूध संघाची निवडणूक वेगळ्या वळणावर
गोकुळ दूध संघाची निवडणूक वेगळ्या वळणावर पोहोचली आहे. कोल्हापुरात महायुतीतच्या नेत्यांनी सभासदांना रेणुका देवीच्या परडीवर हात ठेवून शपथ घ्यायला लावली आहे.
कोल्हापूरच्या गोकूळ दूध महासंघाची निवडणुकीकडे साऱ्यांचं लक्ष लागलं आहे. गोकूळ संघाच्या निवडणुकीसाठी मंत्री हसन मुश्रीफ आणि काँग्रेसच्या सतेज पाटील यांनी कंबर कसली आहे. ही निवडणूक अंतिम टप्प्यावर आली असताना सभासदांना सहलीवर पाठवण्यात आलं आहे. नेत्याकडून आणि सभासदाकडून कोणताही दगाफटका होणार नाही, याची काळजी महायुतीच्या नेत्यांकडून घेतली जात आहेत. या निवडणुकीसाठी रेणुका देवीच्या परडीवर हात ठेवून शपथ घ्यायला लावली आहे.
निवडणूक वेगळ्या वळणार
गोकूळ दूध संघाची निवडणूक वेगळ्या वळणावर पोहोचली आहे. गोकूळ संघासाठी मतदान करणाऱ्या ठराव धारकांना महायुतीकडून शपथ दिली आहे. या गावच्या सौंदत्ती डोंगरावर रेणुका देवीच्या परडीवर हात ठेवून शपथ घ्यायला लावली. सौदत्ती डोंगरावरील स्टिंग ऑपरेशनचा व्हिडिओ सोशल मीडियावर व्हायरल झाला आहे. आमच्या तालुक्याचे अब्रू वाचवणं तुमच्याच हातात आहे. काहीही खेळ करू नका..आमची तुम्हाला शपथ आहे. खोटं बोललं की देवी अंगावर उठते. ठराव धारकांना शपथ देताना मंत्री हसन मुश्रीफ यांनी वक्तव्य केलं. या ठराव धारकांना देवीची शपथ देताना भाजप खासदार धनंजय महाडिक माजी खासदार संजय मंडलिक देखील उपस्थित होते.
मुश्रीफ काय म्हणाले?
हसन मुश्रीफ यांचा एक व्हिडिओसमोर आला आहे. या व्हिडिओमध्ये मुश्रीफ म्हणत आहे की, माझ्यासह सर्वांना शपथ घ्यायची आहे. मी गद्दारी करणार नाही. खरंतर त्यासाठी दोन अडीच तास लागतील. कागलची अब्रू वाचवायची आहे. हे सर्व तुमच्या हातात आहे. तुम्हाला शपथ आहे. यल्लामा देवी किती जागृत असल्याचे म्हणत खोटं करेल तर अंगावर उठते’.
‘आमची कॉलर खाली होता कामा नये. ती ताठ राहिली पाहिजे. तुमच्यासोबत आम्ही देखील शपथ घेणार आहे. निवडणुकीत महायुतीच्या सर्व उमेदवारांना मतदान करायचं आहे. कपबशीला मतदान करणार आहे. आई यल्लामाची शपथ घेतो, असे राज्यसभा खासदार धनंजय महाडिक यांनी शपथ घेताना म्हटलं. त्यांचाही व्हिडिओ व्हायरल होत आहे. तत्पूर्वी, शपथ घेतल्यानंतर हसन मूश्रीफ यांनी जागृत देवस्थान रेणुका देवीचं मनोभावे दर्शन घेतलं. कोल्हापूर जिल्हा सकारी उत्पादक संघाच्या निवडणुकीसाठी छत्रपती शाहू शेतकरी विकास आघाडीचे सर्व उमेदवार निवडणुकीत प्रचंड मतांनी निवडून येऊ दे, असे त्यांनी रेणुकादेवीच्या चरणी साकडं घातलं.
