मुंबई : आज दिनांक 25 सप्टेंबर 2022 जाणून घेणार आहोत राज्यासह देशातील महत्त्वाच्या घडामोडी. सध्या दसरा मेळाव्यावरून राजकारण चांगलेच तापले आहे. शिवाजी पार्कवर दसरा मेळाव्याची परवानगी मिळावी यासाठी शिवसेनेच्या वतीने हायकोर्टात याचिका दाखल करण्यात आली होती. न्यायालयाने शिवसेनेला दिलासा देत शिवाजी पार्कवर दसरा मेळाव्यासाठी परवानगी दिली आहे. मात्र सूत्रांकडून मिळत असलेल्या माहितीनुसार याविरोधात सोमवारी शिंदे गट सुप्रीम कोर्टात याचिका दाखल करण्याची शक्यता आहे. या पार्श्वभूमीवर आज काही महत्त्वाच्या घडामोडी घडू शकतात. दुसरीकडे पुण्याचे पालकमंत्रीपद मिळताच चंद्रकांत पाटील यांनी अजित पवार आणि सुप्रिया सुळे यांच्यावर नाव न घेता अप्रत्यक्ष निशाणा साधला आहे. तसेच या जिल्ह्यात भाजपाचा प्रभाव वाढवण्यासाठी मुख्यमंत्री आणि उपमुख्यमंत्र्यांनी मला पालकमंत्रीपद दिल्याचं चंद्रकांत पाटील यांनी म्हटलं आहे.