मनोज जरांगे यांचा एकनाथ शिंदेंवर 500 कोटींचा बॉम्ब, थेट क्लिपमध्ये महाराष्ट्रातील बड्या महिला नेत्याबद्दल धक्कादायक भाष्य..
500 कोटींवरून विविध आरोप केले जात आहेत. यावरूनच आता मराठा समाजाचे नेते मनोज जरांगे पाटील यांनी थेट ऑडिओ क्लिपच दाखवली. या ऑडिओ क्लिपने मोठी खळबळ उडाली. थेट गंभीर आरोप करण्यात आलीत.
500 कोटी घेतल्याचे आरोप केले जात आहे. एकनाथ शिंदे यांच्यावर हे आरोप होत आहेत. जरांगे पाटील यांच्या आरोपावर स्पष्टपणे बोलताना शिंदे दिसले. एकनाथ शिंदे यांनी आपल्याला 500 कोटी रुपये दिल्याचे भाजपला सांगितले असल्याचा दावा मनोज जरांगे पाटलांनी केला आहे. नारायाण गडावरील दसरा मेळाव्यात बोलताना त्यांनी हा आरोप केला. एकनाथ शिंदे यांनी स्पष्ट केले की, ना 500 कोटी घेतले ना 500 कोटी दिले. यावर शिंदेंनी दसरा मेळाव्यात उत्तर दिले नाही पण मुंबईतील दसरा मेळाव्यामध्ये शिंदेंच्या शिवसैनिकांनी जोरदार टीका केली. जरांगेंवर शिंदेंचे शिवसैनिक तुडून पडले. उदय सामंत यांनी थेट जरांगेंचा बोलवता धनी कोण आहे, त्याचे पुरावे शिंदेंकडे देणार असल्याचे म्हटले. आता जरांगे पाटील यांनी बॉम्ब फोडला. त्यांनी पत्रकार परिषद घेत राज्यात खळबळ उडवणारी ऑडिओ क्लिपच ऐकून दाखवली.
जरांगे यांनी ऐकवलेली ऑडिओ क्लिप अत्यंत मोठी आहे. त्यातच काही लोक संवाद साधताना दिसत आहेत. या ऑडिओ क्लिपमध्ये संजय राऊतांसह अनेक नेत्यांची नावे घेण्यात आली. काही बातम्यांचे उदाहरणेही दिली गेली. त्यातच दोन व्यक्ती संवाद साधत असताना संजय राऊत यांच्यासोबतच शिवसेना ठाकरे गटाच्या नेत्या सुषमा अंधारे यांच्याही नावाचा उल्लेख करण्यात आला.
सुषमा अंधारे यांचे नाव घेताना अत्यंत खालच्या पातळीवर जाऊन बोलण्यात आले. त्या ऑडिओ क्लिपमध्ये म्हणण्यात आले की, अंधारे खूपच खालच्या लेव्हलला आहे. तिच्या नादाला लागायचे नाही… दुसरा व्यक्ती म्हणतो की, बरोबर आहे, त्यांच्या नादाला लागू नये पण. यावेळी काही लोक ऑडिओ क्लिपमध्ये हसतानाही दिसत आहेत.
फक्त संजय राऊत हेच नाही तर सुषमा अंधारे यांच्याबद्दलही बोलण्यात आले. तिच्या नादी लागू नका, असे त्यांनी म्हटले. या ऑडिओ क्लिपमुळे मोठे वादळ राज्याच्या राजकारणात आले. 500 कोटी कोणी घेतले, याचा विचार करा, असे स्पष्ट शब्दात मनोज जरांगे यांनी म्हटले. शिंदे गटाचे नेते मोठ्या प्रमाणात जरांगेंवर टीका करत असतानाच ही ऑडिओ क्लिप जरांगेंनी दाखवली.
