Matheran Toy train : माथेरानची राणी आता आलिशान एसी सलून कोच मधून सैर घडविणार, आठ प्रवाशांना बसण्यासाठी आरामदायी सोफा, प्रसाधनगृह आदी सुविधांची रेलचेल

matheran (1)

Image Credit source: socialmedia

मुंबई : माथेरानच्या राणीला आता आलिशान वातानुलित सलून कोच जोडण्यात येणार आहे. या मिनीट्रेनचा ( Matheran Toy train ) हा सलून कोच प्रवाशांना आता दिवसाचा किंवा रात्री फॅमिली ( family picnic ) ट्रीपसाठी भाड्याने मिळण्याची सोय प्रवाशांना मिळणार आहे. माथेरानच्या हिल स्टेशनला जाणाऱ्या प्रवाशांच्या मागणीवरून मध्य रेल्वेनेही  ( centralrailway ) नवीन सुविधा उपलब्ध करण्याचा निर्णय घेतला आहे. हा नॅरोगेज रेल्वे मार्ग 100 वर्षांहून अधिक पुरातन आहे, हा मार्ग भारतातील मोजक्या पर्वतीय रेल्वे मार्गांपैकी एक आहे. या टॉय ट्रेनमधील एसी सलूनमधून प्रवास करणे हा एक थ्रिलींग अनुभव असणार आहे.

माथेरान येथील प्रसिद्ध मिनीट्रेनला आठ आसनांची सोय असलेला आरामदायी एसी सलून कोच जोडण्याचा निर्णय मध्य रेल्वेने घेतला आहे. या सलून कोचची नेरळ ते माथेरान असा त्याच दिवसाची राऊंड ट्रीप किंवा संपूर्ण रात्रीच्या मुक्कामासाठी भाड्याने देण्याची सुविधा असणार आहे. या सलून कोचला भाड्याने घेण्यासाठी प्रवाशांना खालीलप्रमाणे भाडे भरावे लागणार आहे.

Timings of train:

Neral to Matheran
Trip-A Neral Dep. 08.50 am Matheran Arr. 11.30 am
Trip-B Neral Dep. 10.25 am Matheran Arr. 01.05 pm

Matheran to Neral
Trip-C Matheran Dep. 02.45 pm Neral Arr. 04.30 pm
Trip-D Matheran Dep. 04.00 pm Neral Arr. 06.40 pm

असे असणार आहे भाडे 

त्याच दिवशी संपणारी राऊंड ट्रीप : आठवड्याच्या इतर दिवशी करासह 32,088 रू. विकेण्डसाठी करासह 44,608 रू.

त्याच दिवशी संपणाऱ्या राऊंड ट्रीपसाठी प्रवासी उदा. A+C किंवा B+D अशा फेरीची निवड करू शकतात

ओव्हरनाईट स्टे राऊंड ट्रीप : आठवड्याच्या इतर दिवशी 32,088/- आणि प्रती प्रवासी दर तासाचे मुक्काम शुल्क +  कर 1,500 रू.

विकेण्डसाठी 44,608 रू. +  आणि प्रती प्रवासी दर तासाचे मुक्काम शुल्क + कर 1,800 रू.

ओव्हरनाईट स्टेसह राऊंड फेरीकरीता प्रवासी A किंवा B आणि परतीसाठी C किंवा D फेरीची निवड करू शकतात.

प्रवाशांनी असे भाडे करावे 

इच्छुक प्रवासी आवडत्या योजनेच्या एकूण भाड्याच्या 20 टक्के आगाऊ रक्कम आणि रु. 10000 रूपये डिपॉझीट प्रवासाच्या तारखेच्या सात दिवस अगोदर भरून एसी सलून बुक करू शकतात. उर्वरीत 80 रक्कम प्रवाशांना प्रवासाच्या तारखेच्या ४८ तासाआधी भरावी लागेल. अन्यथा बुकींग रद्द समजली जाईल आणि रिफंड दिला जाणार नाही.

प्रवासी नेरळ स्टेशनमास्तर मध्य रेल्वेच्या कोणत्याही जवळच्या रेल्वे स्थानक मास्तरांच्या कार्यालयात युपीआय, पीओएस किंवा कॅशद्वारे बुकींग करता येईल. नेरळ स्टेशन मास्तरांशिवाय इतर स्टेशनात बुकींग केल्यास पैसे भरल्याची पावतीचा क्रमांक डिपॉझिट भरण्याआधी नेरळ मास्तरांना कळवावा असे मध्य रेल्वेने स्पष्ठ केले आहे.  इतर चौकशी नेरळ चीफ बुकींग सुपरवायझर कडे करावी.

नेरळ-माथेरान टॉय ट्रेन आणि हा नॅरोगेज रेल्वे मार्ग 100 वर्षांहून अधिक पुरातन आहे, हा मार्ग भारतातील मोजक्या पर्वतीय रेल्वे मार्गांपैकी एक आहे. या टॉय ट्रेनमधील एसी सलूनमध्ये प्रवास करणे हा एक थ्रिलींग अनुभव असणार असून निसर्ग जवळून पाहण्याची आणि माथेरानच्या नैसर्गिक वातावरणात मन रमविण्याची प्रवाशांना संधी मिळणार आहे.