Mansukh Hiren Case : आरोपी विनायक शिंदे आणि नरेश गौरवरही UAPA कायद्यानुसार कारवाई होणार
मनसुख हिरेन मृत्यू प्रकरणात NIAने अजून एक महत्वाचा निर्णय घेतलाय. आरोपी विनायक शिंदे आणि नरेश गौर यांच्यावरही UAPA अर्थात Unlawful Activities Prevention Act नुसार कारवाई होणार आहे.
मुंबई : मुकेश अंबानी यांच्या निवासस्थानाजवळ जिलेटीनच्या कांड्यांनी भरलेली गाडी आणि मनसुख हिरेन मृत्यू प्रकरणात NIAने अजून एक महत्वाचा निर्णय घेतलाय. आरोपी विनायक शिंदे आणि नरेश गौर यांच्यावरही UAPA अर्थात Unlawful Activities Prevention Act नुसार कारवाई होणार आहे. हे दोन्ही आरोपी मनसुख हिरेन प्रकरणात सध्या NIAच्या अटकेत आहेत. NIAतील एका अधिकाऱ्याने तशी माहिती दिलीय. त्यामुळे विनायक शिंदे आणि नरेश गौर यांच्या अडचणी अजून वाढण्याची शक्यता आहे.(Vinayak Shinde and Naresh Gaur will also be charged under the UAPA Act)
यापूर्वी आरोपी सचिन वाझेवर UAPA कायद्यातील कलमे लावण्यात आली आहेत. मनसुख हिरेन प्रकरणाचा तपास आधी महाराष्ट्र ATS करत होती. पण ठाणे न्यायालयाच्या आदेशानंतर हा तपास NIAकडे वर्ग करण्यात आला आहे. त्यामुळे ATS ने अटक केलेल्या विनायक शिंदे आणि नरेश गौर यांचा ताबाही NIAला मिळाला. त्यानंतर आता या दोघांवरही UAPA कायद्यातील कलमं लावली जाणार आहेत.
सचिन वाझेविरोधात UAPA अंतर्गत गुन्हा
मुकेश अंबानी यांच्या घराबाहेर सापडलेल्या जिलेटिनच्या कांड्या आणि मनसुख हिरेन मृत्यू प्रकरणी सचिन वाझे यांच्या विरोधातही NIAने UAPA अंतर्गत गुन्हा दाखल केला आहे. वाझे यांना ताब्यात घेतल्यानंतर NIA ने मोठी कारवाई केली होती.
काय आहे UAPA कायदा?
लोकसभेत जुलै 2019 मध्ये या कायद्यातील तरतुदींना मंजुरी मिळाली. या कायद्यानुसार कोणत्याही व्यक्तीला तपासाच्या आधारावर दहशतवादी जाहीर करण्याचा अधिकार सरकारला आहे. यापूर्वी फक्त संघटनेला दहशतवादी जाहीर करण्याची तरतूद या कायद्यात होती.
विधेयकातील पाचव्या आणि सहाव्या क्रमांकाच्या तरतुदींना काँग्रेसने संसदेच्या दोन्ही सभागृहात विरोध केला होता. पण या विधेयकाच्या बाजुने 147 तर विरोधात फक्त 42 मतं पडली होती.
कोणाला दहशतवादी ठरवणार?
जर एखादी व्यक्ती दहशतवादी कृत्यांना प्रोत्साहन देत असेल, त्यामध्ये सहभागी असेल, तर त्याला दहशतवादी ठरवलं जाईल. यापूर्वी केवळ संघटनांवर दहशतवादाचा शिक्का मारला जात होता. आता संशयित व्यक्तीवरही मारला जाईल.
संबंधित बातम्या :
Video: मिठी नदीच्या पोटात वाझेनं काय काय लपवलं? बघा NIA ला काय काय सापडलं?
Vinayak Shinde and Naresh Gaur will also be charged under the UAPA Act