Nagpur हवाला व्यापाऱ्यांवर सर्जीकल स्ट्राईक, 84 लाखांची रोकड कुठून केली जप्त?

प्रातिनिधीक छायाचित्र

नागपूर : विधान परिषद निवडणुकीत मोठ्या प्रमाणात आर्थिक व्यवहार होतात. त्या पार्श्वभूमीवर पोलीस सतर्क झाले आहेत. पोलिसांनी नऊ ठिकाणी झाडाझडती घेतली. हवालाची 84 लाख रुपयांची रोकड रात्री जप्त केली. यामुळं हवाला व्यवसायिकांमध्ये खळबळ उडाली आहे.

परिमंडळ तीनचे पोलीस उपायुक्त गजानन राजमाने यांनी हा सर्जिकल स्ट्राईक केला. नागपुरात सुमारे दोनशे हवाला व्यावसायिक आहेत. हे व्यवसायिक कोट्यवधीच्या रक्कमेची हेराफेरी करतात. यापैकी नऊ ठिकाणी लकडगंज आणि इतवारीत पोलिसांनी धाडी टाकल्या.

व्यापारी किराणा व धान्य विक्रीशी संबंधित

भुतडा अॅण्ड भुतडा कंपनीवर ही कारवाई केल्याचे समजते. शुक्रवारी दुपारी गजानन राजमाने यांनी भुतडा चेंबरवर छापा टाकला. यात अमरदीप टॉकीजवळ असलेल्या एका बड्या व्यापार्‍याच्या घरी पोलिसांनी धाड टाकली. यात जप्त करणऱ्यात आलेली रक्कम हवालाची असल्याचे सांगण्यात येते. त्याचबरोबर पोलिसांनी इतवारी आणि लकडगंजमधील अन्य ठिकाणी धाडी टाकल्या. या धाडी किराणा व धान्य विक्रीशी संबंधित व्यापारी आहेत.

दोन लॉकरमधून जप्त केली रक्कम

धान्य बाजार येथे दुमजली इमारत आहे. त्या इमारतीत 22 खोल्या आहेत. काही खोल्यांमध्ये भुतडा कंपनीचे कार्यालय आहे. या कार्यालयातून मोठ्या प्रमाणात हवालाच्या पैशांचा व्यवहार होतो, अशी माहिती लकडगंज पोलिसांना मिळाली होती. येथील कारवाईदरम्यान पोलिसांनी सर्वप्रथम दोन लॉकरची तपासणी केली. त्यात 44 लाख रुपये मिळून आले. त्यानंतर उर्वरित खोल्यांची तपासणी केली असता आणखी दोन लॉकर मिळून आले. या दोन्ही लॉकरमध्ये 40 लाख रुपये सापडले.

लॉकर्समध्ये रोकड मोजण्याचे यंत्र

घटनास्थळी पोलिसांना दोनशेच्यावर लॉकर्स सापडली. हे लॉकर्स कुणाचे आहेत, हे पूर्णपणे समजू शकले नाही. बहुतांश लॉकर्समध्ये लाखोंची रोकड, नोटा मोजण्याचे साहित्य पोलिसांच्या हाती लागले. पोलीस आयुक्त अमितेश कुमार यांना याची माहिती देण्यात आली. प्राप्तीकर विभागाचे अधिकारी यांनीही घटनास्थळी धाव घेतली. प्राप्तीकर विभागाचे अधिकारीही स्वतंत्रपणे चौकशी करीत आहेत.

Special story हे राम, जगायचं कसं? सारं काही दूषित!

भाजपा खोट्या भविष्यवाण्या करणारा पक्ष; महाविकास आघाडी सरकार पाच वर्ष टिकणार : नाना पटोले