विरार स्पोटर्स क्लबच्या उद्धाघटनावरून राडा, भाजप-बविआमध्ये हायहोल्टेज ड्रामा,आमदार-खासदारांनी गेट तोडून…
Virar Sport Complex: विरारच्या क्रीडा संकुलनाच्या उद्घाटन कार्यक्रमात भाजपा आमदार खासदारांनी गेट आणि बॅरिकेटिंग तोडून क्रीडा संकुलात जबरदस्तीने प्रवेश केल्यावरून एकच राडा झाला. आज भाजप आणि बविआ आमनेसामने आहे.
विजय गायकवाड, प्रतिनिधी, टीव्ही 9 मराठी: विरारच्या क्रीडा संकुलनाच्या उद्घाटन कार्यक्रमात भाजपा आमदार खासदारांनी गेट आणि बॅरिकेटिंग तोडून क्रीडा संकुलात जबरदस्तीने प्रवेश केल्यावरून एकच राडा झाला. माजी आमदार हितेंद्र ठाकूर यांच्या वाढदिवसा निमित्त क्रीडा संकुलचे उद्घाटन ठेवले होते. त्याचवेळी भाजपाच्या खासदार आणि आमदाराचा हायहोल्टेज ड्रामा समोर आला. आज भाजप आणि बविआ आमनेसामने आले.
नेमका वाद काय?
वसई-विरार महानगरापालिकेने विरार पश्चिममधील बोळींज येथे क्रीडा संकुल आणि नालासोपारा येथील नाट्यगृहाचे उद्धघाटन ठेवले. या उद्धघाटनावरून बहुजन विकास आघाडी आणि भाजपमध्ये तीव्र राजकीय वाद पेटला आहे. आज, 3 ऑक्टोबर रोजी माजी आमदार हितेंद्र ठाकूर यांच्या वाढदिवसाचे औचित्य साधून या वास्तूंचे उद्धघाटन करण्यात येणार होते. बविआने त्यासाठी जय्यत तयारी केली होती. पण त्याला भाजपने कडाडून विरोध केला.
बॅरेकेटिंग तोडून भाजपा आमदार खासदारांचा प्रवेश
पालिकेची अधिकृत निमंत्रण पत्रिका न छापता महापौर अजीव पाटील यांनी स्वतःच्या पत्राद्वारे निमंत्रण दिले. शासकीय राजशिष्टाचार डावलण्यात आला असा आरोप भाजपचे पालिकेतील माजी विरोधी पक्षनेते मनोज पाटील आणि स्थानिक भाजप आमदार स्नेहा दुबे-पंडित यांनी केला. त्यांनी या प्रकाराला विरोधा केला. तर हितेंद्र ठाकूर यांच्या वाढदिवसाचे निमित्त साधत या वास्तूचे उद्धघाटन करण्याचे बविआने निश्चित केले होते. त्यामुळे आज मोठा राडा होईल हे निश्चित मानले जात होते. त्यानुसार, विरारच्या क्रीडा संकुलनाच्या उद्घाटन कार्यक्रमात भाजपा आमदार खासदारांनी गेट आणि बॅरिकेटिंग तोडून केला क्रीडासंकुलनात जबरदस्तीने प्रवेश केला.
भाजपाचा हाय होल्टेज ड्रामा
विरारच्या क्रीडा संकुलनाच्या उद्घाटन कार्यक्रमात भाजपा आमदार खासदारांनी गेट आणि बॅरिकेटिंग तोडून केला क्रीडासंकुलनात जबरदस्तीने प्रवेश केला. यावेळी पोलिसांनी त्यांना अडवण्याचा प्रयत्न केला. पण कार्यकर्ते आणि पदाधिकाऱ्यांनी जबरदस्तीने प्रवेश केला. यावेळी दोन्ही पक्षाचे कार्यकर्ते, पदाधिकारी आमने-सामने आल्याने परिस्थिती हाताळण्यासाठी पोलिसांना मोठी कसरत करावी लागली. या आंदोलनात भाजपचे खासदार हेमंत सावरा, आमदार स्नेहा दुबे आणि आमदार राजन नाईक यांनी सहभाग घेतला. दोन्ही पक्षातील या हायहोल्टेज ड्राम्याची शहरभर चर्चा सुरू आहे.
