नवी मुंबई : महाराष्ट्रात मान्सून (Monsoon 2021) पाऊस दाखल झालेला आहे. दोन दिवसांपासून पावसानं चांगली हजेरी लावली आहे. पावसाचा नवी मुंबईतील एपीएमसी (Navi Mumbai APMC) भाजी मार्केटला फटका बसला आहे. भाजीचे दर 10 ते 15 टक्क्यांनी घसरले आहेत. उपनगरातील ग्राहक बाजारात फिरकला नसल्यानं शेतमाल पडून आहे. एपीएमसी मार्केटमध्ये भाजीपाल्याची आवक मात्र ग्राहक नसल्यानं मालाला उठाव नाही. (Heavy Rainfall in two and three days caused to vegetable prices down in Navi Mumbai APMC)
मुंबईसह उपनगरात जाणारा भाजी पाला मार्केट बाहेर गेलाच नाही. आज नवी मुंबई बाजार समितीमध्ये भाजीपाल्याच्या 374 गाड्या आल्या. दोन तीन दिवसांपासून भाजीपाल्याला उठावन नसल्यानं 10 ते 15 टक्के पालेभाज्या, फळभाज्या खराब झाल्या आहेत.
हवामान खात्याच्या अतिवृष्टीचा इशारा नंतर पावसाचा फटका हा भाजी मार्केट ला सुद्धा बसलेला आहे. नवी मुंबईतल्या कृषी उत्पन्न बाजार समिती मधील भाजी मार्केट मध्ये शेतमालाची आवक झाली. मात्र,पावसामुळे ग्राहक बाजारात पोहोचू शकला नाही. त्यामुळे शेतमाल मार्केट मध्ये तसाच पडून आहे. तसेच भाज्यांचे दर हे कमी झालेले पाहायला मिळाले.
एपीएमसी भाजी मार्केटमध्ये गाड्यांची आवक ही जास्त होती मात्र कोरोना काळामध्ये भाज्यांच्या गाड्यांची आवक कमी झाली. त्यात दोन ते तीन दिवसांपासून सुरू असलेल्या मुसळधार पावसाचा फटका सुद्धा भाजी मार्केटला बसला आहे. त्यामुळे बराचसा शेतमाल बाजारात पडून असल्याचं एपीएमसी भाजी मार्केटचे उपसचिव सुनील सिंगटकर यांनी टीव्ही 9 शी मराठी शी बोलताना सांगितले.
भाजीपाला | 100 किलो माल | किमान | कमाल | सरासरी |
---|---|---|---|---|
बीट | 100 किलो | 1000 | 1600 | 1300 |
भेंडी नं १ | 100 किलो | 3000 | 4000 | 3500 |
भेंडी नं २ | 100 किलो | 1500 | 2500 | 2000 |
भोपळा (डांगर) | 100 किलो | 1200 | 1600 | 1400 |
दुधी भोपळा | 100 किलो | 2000 | 3000 | 2500 |
चवळी शेंगा | 100 किलो | 3600 | 4000 | 3800 |
ढेंमसे | 100 किलो | 4000 | 5000 | 4500 |
फरसबी | 100 किलो | 8000 | 12000 | 10000 |
फ्लॉवर | 100 किलो | 1400 | 1600 | 1500 |
आवळा | 100 किलो | 3500 | 5500 | 4500 |
काल रात्रभर पावसाने विश्रांती घेतल्यानंतर नवी मुंबई पनवेल मध्ये सकाळपासून पावसाचा जोर पुन्हा एकदा वाढताना पाहायला मिळाला. काही ठिकाणी तुरळक तर काही ठिकाणी जोरदार पावसाच्या सरी पडत आहेत. रायगड मध्ये ऑरेंज अलर्ट जारी केल्या नंतर रायगड सह पनवेल मध्ये आत्यवश्यक सेवा वगळता इतर दुकाने बंद ठेवण्याचे आदेश जारी करण्यात आले आहेत.
भंडाऱ्यात जुगार अड्ड्यावर धाड, 15 जण ताब्यात, 34 लाख 78 हजारांचा मुद्देमाल जप्तhttps://t.co/m3KZ0wjzKQ#Bhandara #Gambling #CrimeNews
— TV9 Marathi (@TV9Marathi) June 11, 2021
संबंधित बातम्या:
शरद पवार-प्रशांत किशोर भेटीचा अजेंडा काय?; ‘ते’ 5 मुद्दे ज्यांच्यावर भेटीत चर्चा होऊ शकते!
VIDEO: ‘गुप्ता, मला पाहणीला बोलावलं तर मी लय बारीक बघतो, पोलीस मुख्यालयाचं काम छा-छू झालंय’
(Heavy Rainfall in two and three days caused to vegetable prices down in Navi Mumbai APMC)