Nitesh Rane: नितेश राणे यांना 18 फेब्रुवारीपर्यंत न्यायालयीन कोठडी, जामिनाचा मार्ग मोकळा
भाजप नेते नितेश राणे यांना आजही दिलासा मिळाला नाही. नितेश राणे (nitesh rane) यांना 18 फेब्रुवारीपर्यंत न्यायालयीन कोठडी (police Custody) देण्यात आली आहे. त्यामुळे नितेश यांचा जामिनाचा मार्ग मोकळा झाला आहे.
सिंधुदुर्ग: भाजप नेते नितेश राणे यांना आजही दिलासा मिळाला नाही. नितेश राणे (nitesh rane) यांना 18 फेब्रुवारीपर्यंत न्यायालयीन कोठडी (police Custody) देण्यात आली आहे. त्यामुळे नितेश यांचा जामिनाचा मार्ग मोकळा झाला आहे. जिल्हा न्यायालयाने न्यायालयीन कोठडी सुनावल्यानंतर आता नितेश राणे हे जामिनासाठी सत्र न्यायालयात अर्ज करणार आहेत. त्यामुळे सत्र न्यायालय काय निर्णय देते याकडे सर्वांचं लक्ष लागलं आहे. नितेश यांची दोन दिवसांची पोलीस कोठडी संपल्यानंतर त्यांना आज सिंधुदुर्ग न्यायालयात (Sindhudurg Court) हजर करण्यात आले. यावेळी कोर्टात कोठडीवर सुनावणी झाली. त्यानंतर कोर्टाने हा निर्णय दिला. दरम्यान, या दोन दिवसांच्या कालावधीत पोलिसांनी नितेश यांची कसून चौकशी केली. तपासाचा भाग म्हणून पोलीस त्यांना गोव्यातही घेऊन गेले होते. तसेच राकेश परब आणि नितेश राणे यांचीही समोरासमोर चौकशी करण्यात आली. यात पोलिसांच्या हाती आणखी काही महत्वाचे धागेदोरे लागल्याची शक्यता वर्तवली जात आहे.
नितेश राणे यांना आज दुपारी सिंधुदुर्ग कोर्टात आणण्यात आलं. त्यानंतर कोर्टात युक्तिवाद झाला. यावेळी पोलिसांनी नितेश राणे यांची 8 दिवसांची पोलीस कोठडी वाढवून देण्याची मागणी केली. नितेश राणे आणि त्यांच्या सहकाऱ्यांचा या गुन्ह्यात आर्थिक व्यवहार झाला का याचा तपास करायचा आहे. नितेश यांना पुण्याला न्यायचं असून अजून काही गोष्टींचा तपास करायचा आहे, त्यामुळे नितेश यांची पोलीस कोठडी वाढवून द्यावी, अशी विनंती सरकारी वकील अॅड. प्रदीप घरत यांनी केली. तर नितेश राणे यांना आधीच दोन दिवसांची पोलीस कोठडी देण्यात आली होती. त्यामुळे त्यांच्या कोठडीत वाढ करण्याची गरज नाही, असा युक्तिवाद राणे यांचे वकील सतीश मानेशिंदे यांनी केला.
तपासाला भरपूर वेळ मिळाला
आजपर्यंत त्यांना भरपूर वेळ मिळाला आहे. नितेश राणे साहेब चार वेळा त्यांच्यासमोर अपील झाले आहेत. बाकी जे काही पुरावे त्यांना घ्यायचे आहेत ते कलेक्ट केले आहेत. त्यात मोबाईल, कागदपत्रांचा समावेश होता. हे सगळं साहेबांनी ऐकल्यानंतर न्यायालयीन कोठडी दिली, असं सतीश माने-शिंदे म्हणाले. पोलिसांना पुण्यात जाऊन तपास करायचा आहे, तसंच काही आर्थिक बाबींचा तपास करायचा आहे, असं पोलिसांकडून सांगण्यात आलं. पण त्याबाबत कुठलाही पुरावा ते देऊ शकले नाहीत, असंही माने-शिंदे यांनी सांगितलं.
संबंधित बातम्या:
